آنا صحیفه پلانت |
ایران آمریکا سانکسییالارینا گؤره جنوبی کورئیا بانکلاریندا دوندورولان ۷ میلیارد دلارینین درحال آزاد ائدیلمهسینی طلب ائدیب.
آخار. آذ خبر وئریر کی، بونو ایرانین خاریجی ایشلر ناظیرلیینین مطبوعات کاتیبی سید عباس موسوی بو گون کئچیریلهن مطبوعات کنفرانسیندا دئییب.
ایران رسمیسی بیلدیریب کی، جنوبی کورئیا آمریکاین اساسسیز جه ظالم سانکسییالارینا بویون قویمامالی، ایرانین بورادا دوندورولان پوللارینین آزاد ائدیلمهسی اوچون سهلنکارلیغا و تاخیره یول وئرمهمهلیدیر.
س. آ. موسوینین سؤزلرینه گؤره ایکی ایلدیر جنوبی کورئیا بانکلاریندا ایرانا عایید ۷ میلیارد دلارین دوندورولماسی هچ بیر بینالخالق قانونا سؤیکنمیر.
قید ائدک کی، آمریکا، دونیا اجتیمایتینین ۲۰۱۵-ده ایرانلا الده ائتدیی نووه سازیشیندن چیخدیقدان سونرا رسمی تهرانا قارشی سرت سانکسییالارا باشلاییب. آمریکا ایرانلا نفت-گاز ساحهسینده، انرژی، نقلیات، هاوا یوللاری و سایر ساحهلرده تیجارت مبادیلهسی آپاران دؤولتلری ده سانکسییالارلا تهدید ائدیر.
تاریخ
2020.06.01 / 18:31
|
مولف
Axar.az
|