تبریزین اطراف موحیط فعاللاری تبریز بلدییه‌سی و رادیو و تئلئویزییا تشکیلاتینین امکداش‌لیغی ایله "هر اینسان بیر آغاج" دئویزی آلتین‌دا آغاجکمه کامپانییاسی باشلادیبلار.

آخار. آز خبر وئریر کی، تبریز بلدییه‌سی آغاجکمه کامپانییاسینین تبریزین یاشیل‌لیق ساحه‌لرینی گئنیشله‌ن‌دیرمک ایستیقامتین‌ده وطنداشلاری امکداشلیغا جلب ائتمک مقصدی ایله کئچیریلدیینی بیلدیریب.

دؤولت آگئنت‌لیگی ایرنا-یا ایستینادن، "تبریزده آدامباشینا دوشه‌ن یاشیل‌لیق ساحه‌سی هم قلوبال ایستاندارتلار، هم ده ایرانین دیگر بؤیوک شهرلری ایله موقایی‌سه‌ده داها آزدیر."

کئچه‌ن ایکی ایل عرضین‌ده قاراداغ بؤلگه‌سی باش‌دا اولماقلا شرقی آذربایجان ویلایتینین موختلیف بؤلگه‌لرین‌ده مئشه آغاجلارینین کسیلمه‌سی داوام‌لی اولاراق اطراف موحیط فعاللاری و مطبوعاتین گون‌ده‌مین‌ده اولوب.

سون واختلار شرقی آذربایجان ویلایتین‌ده مئشه آغاجلارینین کسیلمه‌سی و زاوودلارین زررلی توللانتیلاری ایله باغلی رئپورتاژلار حاضرلایان بعضی ژورنالیستلرین حده‌له‌نمه و فیزیکی هوجوملارا معروض قالدیغینا دایر خبرلر یاییلیب.