سینا درمان کلینیک‌ینده باش وئرن پارتلاما و یانقین‌ین آردیجا، 4 نفره توتوقلانما امری چیخدی.

تهران بؤیوک شهر‌ی‌نین اؤنلمه پولیسی:

دونن گئجه، بو حادیثه‌دن سونرا، حؤرمتلی محکمه مقامی همین حادیثه ایله ایلگی‌لی 4 نفره توتوقلانما امری چیخارتدی.

بو شخص‌لردن بیری حادیثه یئرینده‌یدی و پولیس اونو توتوقلادی، او بیر سانیق‌لارین توتوقلانماسی دا جریان‌دادیر.

تهران اوستانی‌نین بحران مودورلویو باشقانی دئدی، سینای اطهر کلینیک‌ینده باش وئرن حادیثه گاز سیزیماسی و الکتریک اتصالی‌ندان دئییلدی.
او دئدی سوسیال شبکه‌لرده سینای اطهر درمان مرکزی‌نین حادیثه‌سی‌نین علتینه گؤره فرضیه‌لر یاییلیر حال‌بوکی، گاز سیزماسی و الکتریک قضاسی بوحادیثه‌نین سببی اولمامیشدیر.

دون گئجه‌نین حادیثه‌سی ایله ا یلگیلی هر اکسیک‌لیک و قصور، بینانین اؤزونه قاییدیر چونکی اوکسیژئن کپسول‌لاری‌نین توپلاندیغی و ساخلاندیغی یئرین اويغونسوز اولماسی بو حادیثه‌یه نه‌دن اولوب.