ایرانین سونونجو شاهی محمد رضا پهلوی پاریس‌ده سورگون حیاتی یاشایان روح اللا خمینییه سوئ-قصد ائدیلمه‌سی اوچون ایسرایله ائتدیی تکلیف رد ائدیلیب.

آخار. آذ خبر وئریر کی، بو باره‌ده موصادین سابیق تهران اوفیسینین رهبری الیئزر تسافریر دئییب.

کشفیات‌چی بیلدیریب کی، ۱۹۴۸-جی ایلده جورولان ایسرایل دؤولتیندن کنار مسلمان اؤلکه‌لرین‌ده یاشایان یهودیلرین چوخو تورکییه‌دن سونرا ایران‌دا مسکونلاشیب. اونون سؤزلرینه گؤره، ایسرایل اوچون ایران دونیادا ایکینجی ان اهمیت‌لی متفیق‌دیر. رضا شاه پهلوینین دؤورون‌ده ایران‌دا ۱۳۰۰ ایسرایل‌لی یاشاییردی.

۱۹۷۸-جی ایل حادثه‌لری-ایسرایلین اوفیسی یاندیریلیر

۱۹۷۸-جی ایلده ایران‌داکی قاریشیق‌لیقلارا رغما «نیو یورک تایمز» قزئتینین شاه رژیمینین دئوریلمه‌سی پروسسینین تخمینی ۱۵ ایل داوام ائدجیی، موصاد و شاهین مخفی خیدمتلرینین ده بو فیکیرده اولدوغونو بیلدیره‌ن تسافریر، ۱۹۷۸-جی ایلین نویابرین‌دا اعتراضچیلارین ایسرایل هاوا یوللارینین اوفسینه هجوم ائد‌رک یاندیردیقلارینی، اوفیس ایشچیلرینین ایسه لینج ائدیلمه قورخوسو ایله دامدان قاچدیقلارینی دئییب. علاوه ائدیب کی، اوفیسی اعتراضچیلاردان آلماق و دام‌دا اولانلاری خلاص ائتمک اوچون آزی ۵ ساعت واخت لازیم گلیب:

«او زامان آنلادیق کی، اؤز گؤبییمیزی اؤزوموزون کسمه‌سی لازیم‌دیر. تل-اویوله علاقه ساخلایاراق وضعیتی باشا سالدیق. ایسرایل ایران‌دا اولان وطنداشلارینی اؤلکه‌دن چیخارماق اوچون ۳ طیاره گؤندردی. او زامان موصادین ایران‌داکی نماینده‌لری اولاراق بیزه هر شئیین قایداسین‌دا داوام ائتدیریلمه‌سینی تعمین ائتمک تاپشیریلدی».

ایسرایل آیتوللاها سوئ-قصد تشکیل ائتمیین علیهینه چیخیر

کشفیات‌چی دئییب کی، بئله بیر دوروم‌دا ایسرایلین ایرانلا علاقه‌لرینین دؤنوشو اولمایان نقطه‌یه چاتدیغینی تدریجا آنلاییبلار: «دکابردا یوکسک صلاحیتلی رسمی شخص منه یاخینلاشدی و شاهین شخصی طلبینی چاتدیردی. شاه موصادین آیت اللاه خمینییه پاریس‌ده سوئ-قصد تشکیل ائتمک تکلیفینه ایستی یاناشیب-یاناشمادیغینی بیلمک ایستییردی. درحال تل-اویوله علاقه‌یه گیره‌رک شاهین طلبلرینی چاتدیردیم. اما آز سونرا کؤنولسوز «یوخ» رئاکسییاسی آلدیم. منه «ایسرایلین دونیانین پلیسی اولمادیغی» دئییلدی.

بو حادثه‌لرین اوزرین‌دن ۴۰ ایل واخت کئچمه‌سینه باخمایاراق تل-اویوین خمینینی اؤلدورمک مسئولیتینی اوزرینه گؤتورمه‌مه‌سین‌دن پشمان‌لیق دویمادیغینی دئیه‌ن تسافریر علاوه ائدیب کی، او دؤورده موصاد روح اللا خمینییه سوئ-قصد تشکیل ائدیب آرادان گؤتورسی‌دی دونیا ایسرایله قارشی اولار، بین الخالق اجتیماعیت اصلین‌ده بیزیم اونلاری بؤیوک بیر فلاکت‌دن خلاص ائتدییمیزی آنلاییشینی هئچ زامان قبول ائتمزدی. فلاکتین بؤیوکلویونو ایندی آنلاییرلار».

سون‌دا موصاد جاسوسو دئییب کی، ایران اهالی‌سینین ۸۰ فایزینی گنجلر تشکیل ائدیر. اونون فیکرینجه، گنجلر حاقلارینی مدافعه ائد‌جکلر.