چین شرقی تورکوستان‌داکی امک دوشرگه‌لرین‌ده اویغور تورک قادینلاری و اوشاقلارینا عایید اولان ۱۳ تون اینسان توکو آمریکا گؤمرویون‌ده ساخلانیلیب.

آخار. آذ خبر وئریر کی، ۸۰۰ مین دلار دیرین‌ده اولان بو محصوللارین ایستئه‌سالی اینسان حقوقلارینین پوزولماسی ایله نتیجه‌سین‌ده میدانا گلیب.

توتولان ساچلارین چین‌ده دوشرگه‌لرده ساخلانیلان اویغور تورکو قادین-قیزلارا عایید اولدوغو بیلدیریلیر.

بو هفته اله کئچیریله‌ن کارقودان چیخان اینسان ساچینین لوپ جوونتی مئیخین آدلی شیرکته مخصوص اولدوغو اوزه چیخیب.

قئید ائدک کی، تخمیناً، دؤرد ایلدیر بؤلگه‌ده‌کی بیر میلیون اویغور تورک تحصیلی وئریلدیی ادعا ائدیله‌ن دوشرگه‌لرده ساخلانیلیر. رس‌می پکین همچینین، بو دوشرگه‌لرین «سئپارات‌چی تروریزمین» قارشی‌سینی آلماق اوچون ساخلانیلدیغینی ادعا ائدیر. بین الخالق خبر آگئنت‌لیکلری اوللر اویغور تورکلرینین ایدئولوژی تربییه‌یه معروض قالدیقلاری بو دوشرگه‌لرده بعضی مشهور آمریکا مارکالاری اوچون ایستحصال اولدوغونو آچیقلاییبلار. همچینین، چین‌لی آکادئمیک آدریان زئنز طرفین‌دن ائدیله‌ن آراشدیرمالار، بعضی کونتراسپتیو اصوللارلا، قادینلارین مجبوری ایسپیراللاشدیریلماسی ایله بعضی کونتراسپتیو مداخیله‌لرین ائدیلدیینی سؤیله‌دی.
تدقیقات سینجان‌دا (شرقی تورکوستان) اهالینین آرتیم تئمپینین سون ایللرده کسکین شکیل‌ده آزالدیغینی اورتایا قویدو. اویغور تورک موسلمانلارینین یاشادیغی ایکی بؤیوک بؤلگه‌ده ۲۰۱۵ ایله ۲۰۱۸ آراسین‌دا ائنیش نیسبتی ۸۴ فایز اولدو. بو ائنیش ۲۰۱۹-جو ایلده ده داوام ائتدی. سینجان بؤلگه‌سین‌ده‌کی چین رسمیلری دوشرگه‌لرین کئچه‌ن ایلین دکابر آیین‌دا باغلاندیغینی و محبوسلارین «معزون اولدوقلارینی» ادعا ائتدیلر.