آنا صحیفه پلانت |
بین الخالق عفو تشکیلاتی (آمنستی اینترناتیونال) ایرانین مشهد شهرینده ۵۵ یاشلی کیشینین آلکللو ایچکی ایچدیینه گؤره اعدام ائدیلمهسینه مناسیبت بیلدیریب.
تلگراف. کوم خبر وئریر کی، تشکیلاتین یاخین شرق و شیمالی آفریکا اوفیسینین رهبری دیانا ائلتاهاوی یایدیغی بیاناتدا بو اعداما گؤره، ایران محکمه سیستمینی «قددار» و «غیری-اینسانی» آدلاندیریب.
او، ایراندا داواملی اولاراق اینسانلارین اعدام ائدیلمهسیندن تأسف حسی کئچیردیینی بیان ائدیب. بیاناتدا قئید ائدیلیب کی، ظالم، غیری-اینسانی و تحقیرآمیز اولان اعدام حؤکمونه هئچ جور براعت قازاندیریلا بیلمز.
تشکیلات ایرانی نؤوبتی دفعه اعدام حکمونو لغو ائتمهیه چاغیریب.
خاطرلاداق کی، بیر نئچه گون اول مشهدین وکیلاباد هبسخاناسیندا ۵۵ یاشلی کیشینین آلکللو ایچکی ایچدیینه گؤره اعدام ائدیلمهسی بارهده معلومات یاییلیب. قرار بین الخالق اجتیماعیتین ناراضیلیغینا و کسکین رئاکسییاسینا سبب اولوب.
تاریخ
2020.07.11 / 22:50
|
مولف
Axar.az
|