شرقی آذربایجان توریزم و ال صنایع‌سی ایداره‌سینین باش‌چی‌سی علیرضا بایرام‌زاده تبریزده اجازه‌سیز ۳۵ گزینتی تورونون ساخلانیلدیغینی بیلدیریب.

آخار. آذ خبر وئریر کی، علیرضا بایرام‌زاده تیر آیینین ۲۳-او تاریخین‌ده بو باره‌ده ژورنالیستلره آچیقلاما وئریب. «اجازه‌سیز تورلارین فعالیتلری اجتماعی و یاشام چئوره‌سینه موشکوللرین یاراندیغینا سبب اولدوغو اوچون اجازه‌سیز تورلارا قارشی ایلک عملیات کئچیریلیب. همین اورقانلاردان عبارت اورتاق دایان‌دیرما-یوخلاما بریگادالاری شهرین چیخیشلارین‌دا یئرلشدیریلیب. فتا سایئبر پلیسینین ثبوتلارینا اساساً، قانون پوزونتوسونا یول وئرمیش تور قروپلاری تانیناراق اونلارین قارشی‌سی آلینیب»، – دئیه معلومات وئریب.