آنا صحیفه پلانت |
ایران میللی مجلیسی بو گون کئچیریلمیش پلئنار ایجلاسدا بوش ائولردن وئرگی توتولماسی ایله باغلی قانون لاییحهسینی قبول ائدیب.
آخار. آذ خبر وئریر کی، رسمی ایستاتیستیکالارا اساساً، حاضردا ایراندا ۲.۵ میلیون بوش منزیل وار و اونون ۸۰۰ مینی پایتاخت تهرانین پایینا دوشور.
اوللر دئپوتاتلار قانون لاییحهسینین قبولونون بودجه کسرینین آرادان قالدیریلماسی اوچون قبول ائدیلمهسینین ضروری اولدوغونو وورغولاسالار دا، بو گونکو ایجلاسدا فرقلی مؤقع سسلندیریبلر. اونلار قانونون بوش قالان ائولرین ایستیثمارا وئریلمهسینه یول آچاجاغینی ادعا ائدیبلر.
قانون لاییحهسینه قارشی چیخان تهرانین دئپوتاتی ایلیاس نادیران بیلدیریب کی، بوندان سونرا اینسانلار بوش قالمیش ائوه گؤره بو جور بؤیوک میقداردا تطبیق ائدیلمیش وئرگینی دیگر کیرایه وئردیی ائولردن و یا گلیر ساحهلریندن اؤدمهیه مجبور قالاجاقلار. بو ایسه اونلارین گلیرلرینه تأثیر ائدجک.
قانونا قارشی چیخان دیگر بیر قروپ میللت وکیلی ده بونون املاک بازارینا منفی تأثیر ائدجیینی، ائولرین و کیرایه حاقلارینین یوکسلمهسینه سبب اولاجاغینی دئییب.
تاریخ
2020.07.15 / 19:28
|
مولف
Axar.az
|