آنا صحیفه پلانت |
گونئی آذربایجانین غربی آذربایجان ایالتینده ۷۶۴ نفر کوروناویروس شوبههسی ایله خستهخانالاردا معالیجه آلیر.
آخار. آذ خبر وئریر کی، بو بارهده غربی آذربایجانین کوروناویروسا قارشی مباریزه قرارگاهینین معاوینی ایرج محبی معلومات وئریب. محبینین آچیقلاماسینا اساساً، خستهخانادا معالیجه آلانلاردان ۳۶۹ نفرینین کووید-۱۹ تئستی پوزیتیو چیخیب. او بیلدیریب کی، سون ۲۴ ساعتدا اینفئکسییایا یولوخموش داها ۱۴۳ نفر خستهخانایا یئرلشدیریلیب، ۸ نفر دونیاسینی دییشیب.
قرارگاهین معاوینی غربی آذربایجاندا کوروناویروس قوربانلارینین عمومی سایینین ۶۰۴ نفره چاتدیغینی بیلدیریب.
«اینفئکسییایا یولوخانلاردان ۱۷۳ نفر رئانیماسییا شعبهسینده معالیجه آلیر. اونلارین ۴۳ نفرینین وضعیتی آغیردیر و وئنتیلیاسییا (صونعی تنفس) آپاراتینا باغلیدیرلار،» دئیه محبی قئید ائدیب.
زنجان ایالتینده ده سون ۲۴ ساعتدا داها ۴۰ نفرده کوروناویروس اینفئکسییاسی آشکارلانیب. زنجان تیبب اونیورسیتئتینین رکتورو پرویز قیزیلباش ایالتده کوروناویروس اینفئکسییاسینا یولوخانلارین عمومی سایینین ۲ مین ۳۲۸ نفره چاتدیغینی بیلدیریب.
او علاوه ائدیب کی، بو رقم سادهجه کووید-۱۹ تستی پوزیتیو چیخانلاری احاطه ائدیر و ایالتده بو گونه کیمی ۷ مین ۱۳۷ نفر کوروناویروس شوبههسی ایله خستهخانالاردا معالیجه آلیب.
قیزیلباشین سؤزلرینه گؤره، زنجاندا سون ۲۴ ساعتدا داها ۴ نفر کوروناویروسدان دونیاسینی دئییشیب. بئلهجه ده ایالتده کوروناویروسدان اؤلنلرین عمومی سایی ۲۲۹ نفره چاتیب. رسمی خستهلییه یولوخانلاردان ۱۹۱۵ نفرینین تام ساغالدیغینی بیلدیریب.
همدان ایالتینده ده تیبب اونیورسیتتینین رکتورو منوچهر کرمینین وئردیی معلوماتا اساساً، کوروناویروسا یولوخانلارین عمومی سایی ۲ مین ۳۸۲ نفره چاتیب.
همدان طب اونیورسیتتینین رکتور معاوینی ابراهیم جلیلی ایسه گونئی آذربایجانین بو ایالتینده کوروناویروس قوربانلارینین عمومی سایینین ۲۷۶ نفره چاتدیغینی بیلدیریب.
جلیلی همچینین ۶۱۰ کوروناویروس خستهسینین ایالتین خستهخانالاریندا معالیجه آلدیغینی قید ائدیب.
تاریخ
2020.07.16 / 20:44
|
مولف
Axar.az
|