اگر کندده مکتب، اوشاق باغچاسی، ایستی سو، یاشاییش شرایطی یوخدورسا، انسانلار نیه کؤچمه‌سینلر؟

Axar.az خبر وئریر کی، بو سؤزلری ارمنیستان باش ناظیری نیکول پاشینیان مکتبلیلرله گؤروشونده اؤلکه‌سینده کندلرین بوشالماسی حاقدا دانیشارکه‌ن دئییب.

«بیزیم پروبلمیمیز اودور کی، کندده حیاتین یوخسول یاشاماق اولدوغو دوشونولور و اونا گؤره ده انسان یاخشی یاشاماق اوچون شهره گئدیر. سووارما سویو اولمایان کندلر بوشالمایا بیلمز. اگر صلح یارانارسا، کنده بؤیوک توریست آخینی اولاجاق.

سرحد بؤلگه‌لرین‌ده یاشایان انسانلار مندن سوروشورلار کی، اونلار اوچون ده دلیمیتاسییا آپاریلاجاغینا امید وارمی؟ زنگزورا اوچ گونلوک سفریم سیاسی یالانلارین افشاسی باخیمیندان بؤیوک حادثه اولدو. دلیمیتاسییا فلاکت کیمی تقدیم ائدیلیر، حالبوکی انسانلار بونو ایستییر»، - او بیلدیریب.