ارمنیستان باش ناظرینین ۵ آوقوست تاریخین‌ده آذربایجانین حاضردا ارمنیستان سلاح‌لی قوه‌لرینین ایشغالی آلتین‌دا ساخلانیلان داغلیق قاراباغ بؤلگه‌سی‌نین خانکندی شهرین‌ده «عموم ارمنی اویونلاری»نین آچیلیشین‌دا چیخیش ائد‌ه‌رک، رئال‌لیق‌دان تاماماً اوزاق اولان پوپولیست بیاناتلار سسلندیرمه‌سی اونون بؤلگه‌ده و عمومیتله، دونیادا باش وئره‌نلردن خبرسیز و نه درجه‌ده عاجیز بیری‌سی اولدوغونو نوماییش ائتدیریر.

آخار. آذ خبر وئریر کی، بو فیکیرلر آذربایجان رسپوبلیکاسی خاریجی ایشلر ناظیرلیینین (خین) یایدیغی بیانات‌دا یئر آلیب.

خاریجی ایشلر ناظیرلییندن بیلدیریلیب کی، بیاناتینین اساساً داخیلی آودیتورییایا نظرده توتولماسینا باخمایاراق، بو، ارمنیستان باش ناظرینه آذربایجان رسپوبلیکاسی‌نین داغلیق قاراباغ بؤلگه‌سینین الحاقینا چاغیران فیکیرلر سسلندیرمه‌سینه هئچ بیر اساس وئرمیر.

«ارمنیستان باش ناظرینین آقرسیو بیاناتلاری ارمنیستان-آذربایجان داغلیق قاراباغ مناقیشه‌سینین حلی اوزره ایللردیر کی، آپاریلان دانیشیقلار پروسسینین روحو و ماهیتی ایله، او جمله‌دن ارمنیستان و آذربایجان آراسین‌دا کئچیریله‌ن سونونجو گؤروشلر زامانی آپاریلان مذاکیره‌لرله آچیق ضدیت تشکیل ائدیر.

بو، همچینین آتت-ین مینسک قروپونون هم‌صدرلرینین واسطه‌چی‌لیگی ایله آپاریلان دانیشیقلار پروسسینه بؤیوک ضربه‌دیر. ارمنیستانین سیاسی رهبری‌نین اوزون ایللردیر کی، آپاریلان دانیشیقلارین پردمتینه تام ضد اولان بو بیاناتی، ائله ارمنیستانین اؤزونون سسلندیردیی، «مناقیشه‌نین یالنیز صولح یولو ایله حلی» چاغیریشینا اویغون گلمیر. ن. پاشینیانین خانکندیده ائتدیی چیخیشی اونون حقیقی سیماسینی اوزه چیخارمیش اولدو.

آذربایجان اؤز اراضیلرینین ایشغالی ایله هئچ زامان باریشمایاجاق و ایشغال اولونموش تورپاقلاریمیزین آزاد اولونماسی و اؤز ائولرین‌دن زور گوجونه دیدرگین سالینمیش مجبوری کؤچکونلریمیزین بو تورپاقلارا گئری قاییتماسینی تامین ائتمک اوچون وار گوجو ایله سعی‌لرینی داوام ائتدیره‌جک.

نیتی حقیقتا اینکیشاف و ترققی اولان بیر اؤلکه‌نین رهبرلیگی تجاووزکار سیاست آرخاسین‌دا گیزلنه‌رک نؤوبتی ۳۰ ایلی هدفله‌یه‌ن خیالی مقصدلر گودمز، عکسینه، مؤوجود وضعیتی قیمتلندیره‌رک، بین الخالق حقوقا حؤرمت اساسین‌دا قونشو اؤلکه‌لرله موناسیبتلری نورماللاشدیراراق داها رئال نتیجه‌لر الده ائتمه‌یه هدفلنر. گؤرونور ارمنیستانین حاضیرکی رهبرلیگی بوش ودلرله اؤزونو و ارمنیستان خالقینی آلداتماقلا مشغول‌دور.