آنا صحیفه سیاست |
اوکتیابرین ۲۴-ده آذربایجان رسپوبلیکاسینین پرزیدنتی ایلهام علیئو ایله ایران ایسلام رسپوبلیکاسینین پرزیدنتی حسن روحانینین گؤروشو اولوب.
آخار. آذ خبر وئریر کی، پرزیدنت ایلهام علیئو دئدی:
-حؤرمتلی جناب پرزیدنت، عزیز دوستوم. آذربایجانا خوش گلمیسینیز.
من چوخ شادام کی، قارداش اؤلکه قوشولماما حرکاتینین زیروه گؤروشونده ان یوکسک سوییهده تمثیل اولونور. صاباح بو اؤنملی تاسیساتا آذربایجان صدرلیک ائده جک. چالیشاجاغیق کی، اوچ ایل عرضینده عضو دؤولتلرین ماراقلارینی موختلیف بین الخالق تدبیرلرده لاییقینجه مدافعه ائدک. البته، سیزین سفرینیز یاخشی فورصتدیر کی، ایکی طرفلی گوندهلیگی موذاکیره ائدک و گلهجک بیرگه فعالیت اوچون تدبیرلر گؤرک.
بیزیم علاقهلریمیز قدیم تاریخه، اورتاق مدنیته اساسلانیر. بو گون بو علاقهلر ان یوکسک سوییهدهدیر. بیز سون بیر نئچه ایل عرضینده سیزینله اون دفعهدن چوخ گؤروشموشوک. هر بیر گؤروشون بؤیوک اهمیتی وار و هر بیر گؤروشدن سونرا وئریلهن تاپشیریقلار ایجرا اولونور. حساب ائدیرم کی، ایکی دؤولت آراسینداکی علاقهلر حاضردا ان یوکسک زیروهدهدیر.
طبیعی کی، بو مؤحکم علاقهلر بوتون ساحهلره موثبت تأثیر گؤستریب. کئچهن ایل تیجارت دؤورییهمیز ۷۰ فایزدن چوخ آرتمیشدیر. حساب ائدیرم کی، بو، رکورد گؤستریجیدیر. بو ایلین دوققوز آییندا ایسه یئنه ده ۴۵ فایز آرتیب. شادام کی، بیزیم بیرگه ایجرا ائتدییمیز شیمال-جنوب نقلیات دهلیزی اوغورلا فعالیت گؤستریر. کئچن ایل بو دهلیزله ۸ دفعهدن چوخ یوک داشینیب. بو ایلین دوققوز آییندا، منه وئریلهن معلوماتا گؤره، یوکداشیمالار ۷۰ فایز آرتیب. سیزینله دانیشدیغیمیز کیمی حاضردا، عینی زاماندا، جنوب-غرب نقلیات دهلیزی فعالیت گؤستریر. قارشیلیقلی سرمایه قویولوب. ایران تخنولوگییالاری اساسیندا آوتوموبیل زاوودو فعالیت گؤستریر. بیز بو زاوودون آچیلیشینی بیرگه قید ائتمیشدیک. آوتوبوس ایستحصالی زاوودونون تیکینتیسی ایله علاقدار ایندی لاییحهلهندیرمه ایشلری آپاریلیر. نفت-گاز ساحهسینده یاخشی امکداشلیق ائدیریک. عینی زاماندا، کئچهن ایلین آوگوستوندا خزر دنیزینین حقوقی ایستاتوسونون معین ائدیلمهسی هم بئش طرفلی، هم ده ایکی طرفلی علاقهلریمیزی داها دا مؤحکملندیریر. مدنیت ساحهسینده عنعنوی امکداشلیق چوخ موثبتدیر.
یعنی، ائله بیر ساحه یوخدور کی، بیز امکداشلیق ائتمیک و بو امکداشلیق نتیجهده اؤزونو گؤستریر. نتیجهلر ده گؤز قاباغیندادیر. امینم کی، بوگونکو گؤروش ده بیزیم علاقهلریمیزه یئنی تکان وئرهجکدیر. بیر داها خوش گلمیسینیز.
***
ایران پرزیدنتی حسن روحانی دئدی:
-جناب پرزیدنت، بو گون بورادا آذربایجان دؤولتینین و آذربایجان خالقینین قوناغی اولماغیمیزدان چوخ سئوینیریک. سیزی تبریک ائتمک ایستییرم، قوشولماما حرکاتینا صدرلیک سیزه حواله اولونور. چوخ سئوینیریک کی، سیزین اؤلکهنیزده بو زیروه گؤروشونون کئچیریلمهسی اوچون چوخ یوکسک تشکیلاتی ایشلر آپاریلیب.
من چوخ شادام کی، هر دفعه سیزینله گؤروشدوکده ایکی اؤلکه آراسینداکی علاقهلرده موثبت بیر حالین، موثبت بیر دییشیکلیین شاهیدی اولوروق. سیزین ده قید ائتدیینیز کیمی، موختلیف ساحهلرده، او جملهدن اقتصادی، مدنی، علمی و دیگر ساحهلرده بیزیم علاقهلریمیز چوخ موثبت ایرلیلمیشدیر. ایکی اؤلکهنین علاقهلرینین گئنیشلندیریلمهسی اوچون چوخ یاخشی اقتصادی امکداشلیق واردیر و بو، هر ایکی اؤلکهنی سئویندیریر. دوشونورم، آذربایجاندا و ایراندا اولان مؤوجود حاکمیت و مؤوجود دؤولتلر ایکی اؤلکهنین منافعیینین، ایکی اؤلکهنین ریفاهینین و خالقلارین ریفاهینین قالدیریلماسی اوچون یاخشی ایشلر گؤرورلر و بو، سئویندیریجیدیر. من سیزی امین ائدیرم کی، ایران دؤولتی و ایران خالقی دایم آذربایجان دؤولتینین و آذربایجان خالقینین یانیندا اولوب و اولاجاقدیر. اومید ائدیرم، بوگونکو گؤروشوموزده ده هر ایکی طرفی ماراقلاندیران مؤوضولار حاقیندا فیکیر موبادیلهسی آپاراجاغیق.
پرزیدنت ایلهام علیئو: تشککور ائدیرم.
تاریخ
2019.10.24 / 20:24
|
مولف
Axar.az
|