آذربایجانین ارمنیستان طرفین‌دن ایشغال اولونموش داغلیق قاراباغ بؤلگه‌سین‌ده یارادیلمیش قانونسوز رژیمین تمثیل‌چی‌سی ماسیس ماییلیانین آمریکایا سفر ائتمه‌سی ایله علاقدار آمریکانین اؤلکه‌میزده‌کی سفیری اؤرل لیتسئنبرقر خاریجی ایشلر ناظیرلیینه چاغیریلیب و اونا خاریجی ایشلر ناظیرلیینین اعتراض نوتاسی تقدیم ائدیلیب.

خاریجی ایشلر ناظیرلیینین مطبوعات خیدمتی ایداره‌سین‌دن آخار. آذ-آ وئریله‌ن معلوماتا گؤره، نوتادا آمریکا طرفین‌دن آذربایجانین ایشغال اولونموش اراضیلرین‌دن سفر ائد‌ن قوندارما قورومون نماینده‌لرینه ویزا وئریلمه‌سینه اعتراض بیلدیریلیب و بونون ارمنیستان-آذربایجان مناقیشه‌سی اوزره صولح پروسسینه ضربه ووردوغو قئید ائدیلیب.

وورغولانیب کی، بو کیمی سفرلره اجازه وئریلمه‌سی آمریکانین آتت-این مینسک قروپونون همصدری مانداتین‌دا واسطه‌چی کیمی عهده‌لیکلری، ائل‌جه ده دؤولتلرین سوورئنلیینه حؤرمت، اراضی بوتؤولویو، بین الخالق سوییه‌ده تانینمیش سرحدلرین توخونولمازلیغی کیمی بین الخالق حقوقون تمل پرینسیپلری ایله ضدیت تشکیل ائدیر.

خاریجی ایشلر ناظیرلیی بین الخالق بیرلیین مهم و جوابدئه عضوو کیمی آمریکانین ب ام ت نیظامنامه‌سین‌ده تثبیت اولونموش پرینسیپلری قطعی دستکله‌یه‌رک، ارمنیستان-آذربایجان موناقیشه‌سی اوزره بمت تش-نین ۱۹۹۳-جو ایل تاریخ‌لی معلوم قطعنامه‌لرینین یئرینه یئتیریلمه‌سینه مهم تؤهفه وئرجیینی و مناقیشه‌نین حلی پروسسینه منفی تأثیر ائد‌جک هر هانسی آددیم‌دان چکینجیینی گؤزلدیینی آمریکا طرفینین دقتینه چاتدیریب.

سفیر اؤ.لیتزئنبئرگر آمریکا کنگرسینین بعضی عضولری طرفین‌دن داغلیق قاراباغدان سفر ائد‌ن شخصلرین واشینگتن‌دا قبول ائدیلدیکلرین‌دن خبردار اولدوقلارینی بیل‌دیره‌رک، آمریکاین آتت-این مینسک قروپو پروسسینی دستکلدیینی و آمریکانین داغلیق قاراباغ‌داکی رژیمی تانیمادیغینی وورغولاییب.