آنا صحیفه سیاست |
آرگئنتینا حکومتی ایرانین یوکسک وظیفهلی رسمیسینی باکییا یاخین گونلرده ائدجیی سفر زامانی حبس اولونوب بو اؤلکهیه تحویل وئریلمهسی اوچون آذربایجان طرفینه رسمی مراجعت ائدیب.
آخار. آذ خبر وئریر کی، بو سنساسیون معلوماتی یئروسلیم پوست قزئتی یازیب.
آرگنتینا حقوق-محافظه اورگانلاری ایرانین کئچمیش خاریجی ایشلر ناظری، حاضردا عالی دینی لیدر علی خامنه اینین بین الخالق مسئلهلر اوزره مشاویری اولان علی اکبر ویلایتینین ۱۹۹۴-جو ایلده بوونس-آیرسدهکی یهودی مدنیت مرکزینه قارشی حیاتا کئچیریلمیش ترور آکتیندا ایشتیراکینا دایر تکزیب ائدیلمز ثبوتلارا مالیکدیر. ویلایتی نویابرین ۱۴-۱۵-ده باکیدا کئچیریلهجک ایکینجی دینی لیدرلر ساممیتینده ایشتیراک ائدجک.
بونونلا علاقدار اولاراق آرگئنتینا خاریجی ایشلر ناظرلیگی آذربایجانین بوونس-آیرسده کی سفیرینی چاغیراراق علی اکبر ویلایتینین باکیدا حبس اولونماسینی و آرگئنتینا طرفینه تحویل وئریلمهسینین تعمین اولونماسینی طلب ائدیب.
آرگئنتینا قانونوئریجیلیینه گؤره، اتهام اولونان اؤزونو محکمه قارشیسیندا مدافعه ائتمک ایمکانیندا اولمالیدیر. همین ترور هجومونو حیاتا کئچیرهنلر ایرانلیلار اولدوغونا و اونلارین بیر چوخونون حاضردا ایران سیاسی ائشالونوندا یوکسک پوستلار توتماسینا گؤره ۱۹۹۳-جو ایلده باش وئرمیش حادثهیه گؤره محکمه ایستینتاقینی ایرلی آپارماق مومکون اولمور. چونکی همین شخصلر آرگئنتینا تورپاغینا آیاق باسمادیقلاری اوچون حبس ائدیلمهییبلر.
ایران رادیکاللاری ۱۹۹۲-جی ایلده بوونئس-آیرئسده ایسرایل سفیرلیینین پارتلادیلماسیندا دا گناهلاندیریرلار. همین هجومدا ۲۹ نفر اؤلوب، ۲۴۲ نفر یارالانیب. همین بومبالی هجوما گؤره ۲۰۰۷-جی ایلدهن بیر قروپ ایرانلی آختاریشدادیر. اونلارین آراسیندا ایراین کلمبییاداکی کئچمیش مدنیت آتاشهسی، ملا محسن ربانی ده یئر آلیر. ربانی آختاریشا وئریلندن سونرا همین اؤلکهیه گئتمهییب.
آرگنتنا حقوق-محافظه اورگانلاری معین ائدیبلر کی، ایسرایل سفیرلیینه و مدنیت مرکزینه هجومون تشکیلاتچیلاری آراسیندا علی اکبر ویلایتی ایله یاناشی کئچمیش سپاه رهبری محسن رضایی و حاضردا ایران حاکمیتینده یوکسک پوستلار توتان بیر سیرا دیگر یوکسک روتبهلیلر ده اولوب.
تاریخ
2019.11.12 / 11:52
|
مولف
Axar.az
|