آنا صحیفه سیاست |
آذربایجان رسپوبلیکاسی گورجوستان رئسپوبلیکاسینین ایستراتژی طرفداشیدیر. بیزیم خالاقلارین دوست، قارداش مناسیبتلرینی هئچ بیر تخریبات پوزا بیلمز.
بو سؤزلری آچیقلاماسیندا گورجوستانین اکس-پرزیدنتی میخائل سااکاشویلی "آرجاکه۲۴. اینفو" سایتینین اونون آدیندان یایدیغی خبری شرح ائدرکهن بیلدیریب.
واحید میللی حرکات پارتییاسیندان میللت وکیلی آذر سلیمانووون واسطهسیله فیکیرلرینی چاتدیران اکس-پرزیدنت بیلدیریب کی، باش وئرن تخریبات خاریجی گوجلرین ایکی خالق آراسیندا نیفاق سالماسی اوچون معناسیز جهددیر:
«ارمنیستان سایتی ادعا ائدیر کی، من سوسیال شبکهلرده ناخچیوان و کور-آراز اووالیغیندا قدر اراضیلرین ارمنیستانا وئریلمهسی ایله باغلی فیکیر پایلاشمیشام. بو، آچیق دزینفورماسییادیر. هم پرزیدنتلییم دؤنهمینده، هم ده اوندان سونرا قفقازداکی رگیونال کونفلیکتلرله باغلی بیر مؤوقعیم اولوب – سرحدلرین دییشدیریلمهسی یولوئریلمزدیر. بو گون ده بو مؤوقعیمده قالیرام. قافقازداکی و یاخین جوغرافییالارداکی کونفلیکتلر حاقیندا بوتون چیخیشلاریمدا دفعهلرله بیلدیرمیشم کی، اونلارین رئال و عدالتلی حلی اوستییا و آبخازییانین گورجوستانا، قاراباغین آذربایجانا، کریمین اوکراینایا قایتاریلماسیندان کئچیر».
گورجولرین و آذربایجانلیلارین تاریخی دوستلوغوندان دانیشان سااکاشویلی بیلدیریب کی، «گورجو آرزوسو» اقتدارینا قارشی کوتلوی اعتراضلار گئنیشلنهن گونلرده ایکی خالق آراسیندا اتنیک ناراضیلیق یاراتماق اوغورسوز جهدلردیر:
«بو اینفورماسییالار گورجوستان موخالیفتی ایله گورجوستانین تورک اهالیسی آراسیندا ائتیمادسیزلیق موحیطی یارادیلماسینا حسابلانیب. باشقا هئچ بیر سبب تاپماق مومکون دئییل. آیریجا، آذربایجان حاکمیتی ایله بیزیم مناسیبتلریمیزین سارسیلماز شخصی دوستلوق سوییهسینده اولدوغونو هر کس بیلیر. پرزیدنت ایلهام علیئو منیم قارداشیمدیر. بیر داها بیان ائدیرهم کی، گورجولر و آذربایجانلیلار قفقازدا دوستلوغو تاریخ بویو سینانمیش و هر دفعه ده بو سیناقلاردان مردلیکله چیخمیش ایکی خالقدیر. گورجوستاندا و آذربایجان اقتداردا هانسی قوهنین تمثیل اولونماسیندان آسیلی اولمایاراق هر ایکی دؤولت موستقیللیینی برپا ائدندن سونرا ایستراتژی متفیقلیک کورسونو قورویوب. بو ایستراتگییانین داوام ائدجیینه هئچ کیمین شوبههسی اولماسین. اونا گؤره ده آذربایجانلیلاری بو جور اینفورماسییا تخریباتلارینا اویماماغا چاغیریرام».
تاریخ
2019.11.17 / 22:05
|
مولف
Axar.az
|