احتیاط‌دا اولان ارمنی پولکوونیکی، داغلیق قاراباغی ایشغال ائد‌ن ارمنی حربی بیرلشمه‌لرینین کومان‌دیری اولموش آرکادی کاراپتیان ارمنی مطبوعاتینا آچیقلاما وئره‌رک، محاربه‌نین برپا اولونماسین‌دان قورخدوغونو اعتراف ائدیب.

آخار. آذ خبر وئریر کی، بیرینجی قاراباغ محاربه‌سی زامانی آذربایجان اوغوللارینین شجاعتینین جانلی شاهیدی اولموش ارمنی حربچی محاربه‌نین برپا اولونما احتیمالینین نه ارمنیستان‌دان، نه ده اونون سیاستین‌دن آسیلی اولدوغونو قید ائدیب.

«محاربه باشلاسا، بیز هئچ نه ائده بیلمیجییک. حتی تورکلره (آذربایجان‌لیلار نظرده توتولور – ا.م.) «بیز سیزه تسلیم اولوروق» دئسک بئله، اونلار بیزی اؤلدوره‌جکلر»، – دئیه ارمنی پولکوونیک وورغولاییب.

طبیعی کی، کاراپتیان چوخ یاخشی درک ائدیر کی، قاراباغدا دؤیوشلرین برپا اولوناجاغی تقدیرده سووئت اتفاقی دؤوروندن فرق‌لی اولاراق، ایروانا هئچ کیم کؤمک ائتمه‌یه‌جک. او، آذربایجان تورپاقلارینین اوچونجو قوه‌لرین دستیی سایه‌سینده ایشغال ائدیلدیینی آنلاییر. او اؤزو بوتون بونلارین شاهیدی اولوب. کاراپتیان قاراباغدا ارمنی اوردوسونون کوماندیری اولارکن آذربایجانین جسور اوغوللارینین غضبینی حس ائدیب و اونون قورخویا دوشمه‌سی آنلاشیلاندیر.

«من محاربه‌نین نه اولدوغونو بیلیرم، من صولح ایستییرم و قارشی طرفین نیه قادیر اولدوغونو بیلیرم»، - دئیه کاراپتیان قید ائدیر.

داها سونرا ارمنی ظابط آذربایجان‌لیلارین ارمنیلره قوجاق آچدیقلاری، اونلاری اؤز دوغما تورپاقلاریندا مسکونلاشدیریب، یئدیزدیریب-ایچیزدیردیکلری زامان بئله ارمنیلرین ایسته‌نیله‌ن زامان آرخادان ضربه ائندیرمه‌یه حاضر اولدوقلارینی اعتراف ائدیر.

او، بونو بئله ایفاده ائدیب: «سووئت اتفاقی دؤورون‌ده بیز تورکلرله دوستلاشدیق، آنجاق الیمیزدن دینیی یئره قویمادیق».

معلومات اوچون بیلدیرک کی، آرکادی کاراپتیان داشناکسوتیون پارتییاسینین سیرالاریندا اولوب، ۱۹۹۰-۱۹۹۲-جی ایللر عرضین‌ده قاراباغا هوجوم ائد‌ن ارمنی اوردوسونون کوماندیری اولوب و حاضردا دا ارمنیستان وترانلار بیرلیینین صدریدیر.