آنا صحیفه سیاست |
ارمنیستانین داغلیق قاراباغی لئگیتیملشدیرمک جهدلری بیر نئچه سببدن اوغورسوزلوغا دوچار اولوب.
آخار. آذ خبر وئریر کی، بونو «یئرئوان تودای» سایتینا موصاحیبهسینده ائرمهنی پولیتولوق یئرواند بوزویان دئییب. اونون سؤزلرینه گؤره، حاضردا رئگیونال اویونچولاردان هئچ کیمه قاراباغین حلینده هانسیسا ایرلیلییش صرفهلی دئییل:
«هئچ کیمه قاراباغی آذربایجاندان آییرماق، موستقیللیینی تانیماق و یا ائرمنیستانین ترکیبینه قاتماق صرفهلی دئییل. ایران آذربایجان و آذربایجانلیلاردان قورخور، تورکییه آذربایجانین طرفداشیدیر، گورجوستانین «ایکی قاراباغی»، روسییا دا ایسه «۸۹ قاراباغ» مؤوجوددور. قونشولاریمیزدان هئچ کیمین بو پروبلئمین حلی ایله باغلی رئسئپتی یوخدور».
بوزویان قاراباغین آذربایجانین ترکیبینه قاییداجاغی تقدیرده ائرمنیستانین بونونلا برابر زنگزورو دا ایتیرجیینی بیلدیریب.
او، آذربایجانین بونون واسطهسیله ناخچیوانلا دهلیز یاراداجاغینی سؤیلهییب.
قئید ائدک کی، زنگزور، مئغری، قافان و درلیز محلی ۱۹۲۰-جی ایلده آذربایجاندان قوپاریلاراق ائرمنیستانا وئریلیب و بونونلا دا ناخچیوانلا قورو علاقهسی کسیلیب.
تاریخ
2019.12.25 / 14:43
|
مولف
Axar.az
|