آذربایجان‌دا حاکمیت اصلاحاتلار یولونو توتوب. بو گون بونو گؤرمه‌مک و حس ائتمه‌مک مومکون دئییل. بوتون بو یئنی‌لیکلرین فونون‌دا بعضی مسئله‌لری اوخوجولارلا بؤلوشمک، اؤز تکلیفلری‌می وئرمک ایستییرم.

مسئله اوندادیر کی، من گنج یاشلاریم‌دان یاخشی ماشین آزارکئشییه‌م. ماشین بازارلارینی اینترنت‌ده ایزلییرم: آلمانییانین، آمریکانین، یاپونییانین، گورجوستانین، حتی ارمنیستانین ماشین بازارلارینا باخیرام. هانسی ماشین هاردا نئچه‌یه‌دیر، هانسی ماشین دبده‌دیر، داها چوخ آلینان هانسی‌دیر، ان اوجوز، ان باها ماشین بازاری هاردادیر و سایر ایله ماراق‌لانیرام. مثلاً، حاضردا پوستسووئت مکانین‌دا ان چوخ ساتیلان کروسسووئر ب.ام و ایکس۵، سدان ایسه «تویوتا کامری»دیر. معلوم اولدوغو کیمی، سون واختلارا قدر قفقازین، آز قالا بوتون پوستسووئت مکانینین ان اوجوز ماشین بازارلاری گورجوستان‌دا (باتومیده آوتوبازار و روستاویده آوتوپاپا) یئرلشیردی. بونون سببلری چوخ ایدی: آوروپادان گورجوستانا دنیز یولونون اولماسی، گرجوستان‌دا مونوپولییانین آرادان قالدیریلماسی، گمروک روسوملارینین فورمال اولماسی و س...

قید ائتمک لازیم‌دیر کی، ماشین بازارینین یاخین اولماسی آذربایجان‌دا دا بیر چوخلارینین ایشینه یاراییردی. معلوم ماشین دیللئرلری حتی ۱۰۰ فایزه ایشلییردیلر. مثلاً، ۱۰ ایلین ایکس۵-نی روستاوی‌ده ۱۰ مین دلارا آلیر، باکی‌دا ۲۰ مینه ساتیردیلار. اما سون ایللرده آذربایجان‌دا دلارین ایکی دفعه باهالاشماسی ایله بو بازار باغلاندی. عینی زامان‌دا، گورجوستان آوتومبیل بازارلاری دا اؤز جازیبه‌سینی ایتیرمه‌یه باشلادی.

مسئله اوندادیر کی، گورجو آوتومبیل دیلرلری بوتون دونیادا آد چیخارمیش دلدوزلاردیر. بونلاردان نینکی ماشین، حتی تکر ده آلماق اولماز. اونلار آلمانییادا چیخداش اولوناراق ایکییه بؤلونه‌ن، آمریکادا آیلارلا سو آلتین‌دا قالان آوتومبیللری سو قیمتینه گورجوستانا گتیریر، کوسمتیک تعمیر ائدیر و اود قیمتینه آذربایجانلی قارداشلارینا ساتیرلار...

و نهایت، کئچک متلبه - منی ناراحات ائد‌ن مسئله‌یه. گورجوستان بازارلارینین اؤز اهمیتینی ایتیرمیی فونون‌دا ارمنیستانین آوتومبیل بازارلاری بوتون پوستسووئت مکانین‌دا پوپولیارلاشماق‌دادیر. آرتیق روسییانین ماشین دیللرلری آوتومبیللری گورجوستان‌دان یوخ، ارمنیستان‌دان گتیرمه‌یه اوستونلوک وئریرلر. قید ائتمک لازیم‌دیر کی، موسکوا-ایروان طیاره بیلطینین قیمتی حتی موسکوا-تیفلیس‌دن ده اوجوزدور، اوتئللر و موتئللر ده چوخ صرفه‌لی‌دیر. ارمنی آوتومبیل دیللئرلری ده گورجولردن فرق‌لی اولاراق، داها دوزگون آلوئرچیلردیر (یئری گلمیشکه‌ن، محض بو سبب‌دن بیزیم روسییاداکی اوشاقلار گورجولرله ایشلمیرلر، ارمنیلره اوستونلوک وئریرلر). تصور ائدین، موسکوادان ایروانا گلن روس دیلر جمعی ۲۰۰ دلار (یول پولو، یئر پولو، گمروک پولو و س.) خرجله‌یه‌رک اورادان آوتومبیلی روسییایا گتیریر، بوردا دا ۲۰۰ دلار خرج چکه‌رک، گمروک‌دن کئچیریر. بیزده ایسه یالنیز گمروک‌دن کئچیرمک اوچون ماشینین قیمتینین یاریسی قدر روسوم اؤد‌مه‌لی‌سه‌ن.

بئله‌لیکله، ارمنیستان آرتیق روسییانین یئنی ماشین بازارینا چئوریلمک‌ده‌دیر و بیز بونا سئیرچی قالماقداییق. بو ایسه ایلده ۱۰ میلیونلارلا، گله‌جک‌ده ۱۰۰ میلیونلارلا والیوتا دئمک‌دیر. من ایروانین ماشین بازارینا ایران و اورتا آسییا آوتوموبیل دیللئرلرینین اوز توتاجاغینی دا استثنا ائتمیرم. آخی، تیجارت سو کیمی بیر شئی‌دیر، هاردا چؤکک (اوخو: اوجوز قیمت) وارسا، اورا آخیر.

منی ناراحات ائد‌ن ده بودور: همین آوتومبیل بازارینی آذربایجان‌دا یاراتماق اولمازدی‌می؟! آخی، ائرمنیستان‌دان فرق‌لی اولاراق، آذربایجان‌دان روسییایا بیرباشا چیخیش وار. آذربایجان‌دان قازاخیستانا و اورتا آسییایا دا چیخیش وار، بیز او بوی‌دا خرج چکمیشیک، الت بئینلخالق دنیز لیمانینی تیکمیشیک!

حاضردا آذربایجان‌دا قافقازین ماشین بازارینین یارادیلماسی اوچون بوتون اینفراستروکتور ایمکانلاری وار. اما بیزیم تییاره، اوتئل قیمتلریله، روسوملارلا آذربایجانا کیم گلر، کیم بوردان آوتوموبیل آلماق، آپارماق ایستیر؟!

دوشونوره‌م کی، آذربایجان‌دا گؤزله‌نیله‌ن اصلاحاتلار دالغاسی بو ساحه‌لری ده احاطه ائتمه‌لی‌دیر. آذربایجان‌دا ایلک نؤوبه‌ده تییاره بیلئتلری، اوتئل، موتئل قیمتلری آشاغی سالینمالی، ماشینا گؤمروک روسوملاری آزالدیلمالی‌دیر. عکس حال‌دا، ۱۰۰ میلیونلارلا والیوتا دوشمه‌نین جیبینه آخاجاق...

ارمنیستانی بوتون رئگیونال لاییحه‌لردن کناردا قویان و اقتصادی باخیم‌دان سیخان آذربایجان بو فورصتی دوشمه‌نین الین‌دن چیخارتمالی‌دیر.