«آبش و ایران بیرباشا حربی توققوشمالارا گیرمه‌یه‌جک».

تئلئقراف. جوم خبر وئریر کی، بونو روسییالی پولیتولوق آدلان مارقویئو دئییب.

ائکسپئرت طرفلرین آچیق ساواش‌دان چکینمه‌سینین بیر سیرا عامللرله باغلی اولدوغونو بیلدیریب:

«چونکی ترامپ ۲۰۲۰-جی ایلده یئنی‌دن سئچیلمه‌دن اول آبش-این یاخین شرق‌ده داها بیر اوزونموددت‌لی قارشی‌دورمایا گیرمه‌سین‌ده ماراق‌لی دئییل. لاکین ایران اونسوز دا چتین اقتصادی وضعیت‌ده‌دیر و حربی آددیم آتماق اونلارین ماراقلارینا اویغون دئییل. بون‌دان علاوه، بو ایلین فئورال آیین‌دا کئچیریله‌جک پارلامئنت سئچکیلری وار و ۲۰۲۱-جی ایلده یئنی پرئزیدئنت سئچیله‌جک. چونکی روحانینین پرئزیدئنتلیینین ایکی مدتی سونا چاتیر. بونا گؤره ده طرفلر بیرباشا حربی توققوشمادان چکینمه‌یه چالیشاجاق، لاکین رئگیونون موختلیف یئرلرین‌ده بیر-بیرلرینین ماراقلارینا خلل گتیرمه‌یه چالیشاجاقلار».

ائکسپئرت جنوبی قافقاز اؤلکه‌لری اوچون مومکون تهدیدلره ده موناسیبت بیلدیریب: «جنوبی قافقاز اؤلکه‌لری اوچون آمئریکانین بو اؤلکه‌لرده‌کی سفیرلیکلرینین ایرانلا علاقه‌لی اولان قروپلارین هوجومونا معروض قالماماسی واجیب‌دیر. بو او دئمک دئییل کی، ایران موطلق بئله بیر هوجوم حیاتا کئچیره‌جک و چوخ گومان کی، عکسینه، تئهران آمئریکا ماراقلارینی فرق‌لی شکیل‌ده تهدید ائتمه‌یه چالیشاجاق. سفیرلیکلره هوجوم باش وئره‌نلره ان سرت رئاک‌سییا اولاردی».

مارقویئو علاوه ائدیب کی، واشینقتون و تئهران آراسین‌داکی گرگینلیین آرتماسی آبش-این جنوبی قافقاز و بؤلگه‌ده‌کی دیگر اؤلکه‌لرین ایرانلا علاقه‌لرینی آزالتماق‌دا ایسرار ائتمه‌سینه سبب اولاجاق.