آنا صحیفه سیاست |
«اوکراینا پرئزیدئنتی ولادیمیر زئلئنسکی ایراندان نارازیدیر. تئهران وورولان تییارهده اؤلنلرین عائلهلرینه ۸۰ مین دوللار تزمینات اؤدیه بیلجیینی آچیقلاییب. اوکراینا پرئزیدئنتی اینسان حیاتی ایله آلوئر ائتمک ایستمدیینی دئسه ده، تزمیناتین آز اولدوغونو وورغولاییب. بو مسئله دانیشیقلار یولو ایله حل ائدیله بیلر. لاکین کیئوین تئهراندان باشقا نارازیلیغی دا وار».
آخار. آز خبر وئریر کی، بو سؤزلری «آتلاس» آراشدیرمالار مرکزینین رهبری ائلخان شاهینوغلو قئید ائدیب.
پولیتولوقون سؤزلرینه گؤره، تئهران یانوارین ۳-ده «سهوهن» وورولان سرنیشین تییارهسینین «قارا قوتو»سونو اوکراینایا وئرمیر: «وورولان تییاره اوکراینا هاوا یوللارینا مخصوصدور. اونا گؤره ده «قارا قوتو»نون تهویل وئریلمهمهسی کیئوین حاقلی نارازیلیغینا سبب اولوب. اوکراینا تییاره اولاییندا روسییانین ایرانا تأثیریندن شوبههلیدیر. کیئودهکی سیاسی مرکزلر «قارا قوتو»نون اوکراینانا تهویل وئریلمهسینین آرخاسیندا موسکوانین ماراقلارینین دایاندیغینی گومان ائدیرلر. تئهران تییارهنی ووردوقدان بیر گون سونرا سهوینی اعتراف ائتدی. بو موسکوا اوچون گؤزلنیلمز اولدو. چونکی، ۵ ایل اول دونباسس سماسیندا وورولان مولکی تییارهیه گؤره موسکوا بوگونه قدر مسولیت داشیماییب. بئینلخالق عالم همین مولکی تییارهنین روسییادان دستک آلان سئپاراتچیلار طرفیندن وورولماسینا شوبهه ائتمیر، فاکتلار دا بوندان خبر وئریر. آنجاق روسییا تام ترسینی ادعا ائدیر، گویا نیدئرلانددان مالایزییایا اوچان تییارهنی اوکراینا ووروب. بو منتیقه ضیددیر. سئپاراتچیلارین تییارهسی یوخدورسا، اوکراینا هاوادان مدافعه قوهلری سمادا نیه تییاره وورمالی ایدیلر؟ عکسینه سئپاراتچیلار سمادا گؤردوکلری هر اوبیئکتی اوکراینا حربی تییارهسی حساب ائدرک دویمهیه باسا بیلردیلر.
مسولیتدن بویون قاچیران موسکوا عینی اولایدا تئهرانین دا اوخشار سیاست یوروتمهسینی گؤزلییردی. آنجاق تئهران سماسیندا وورولان تییارهنین سیررینی گیزلتمک مومکون دئییلدی. تئهران گئجیکمیش ده اولسا دوغرو قرار وئردی، سهوینی اعتراف ائتدی. بونا باخمایاراق، اوکرایناداکی سیاسی مرکزلرین شوبههلرینه گؤره، موسکوا تئهرانا تضییق ائدیر کی، «قارا قوتو»نو روسییانین رقیبی اولان اوکراینایا وئرمهسین. بو مسئلهده روسییانین تلیماتلاری ایرانا یاخشی هئچ نه ود ائتمیر. تییارهنین وورولماسینا گؤره تئهرانین گئجیکمیش اعترافینی بئینلخالق عالم، او جملهدن اوکراینا جمعیتی آنلاییشلا قارشیلادی. آنجاق «قارا قوتو»نون تهویل وئریلمهمهسی همین آنلاییشی ضعیفلهدهجک کی، بو دا ایران ماراقلارینا خیدمت ائتمیر».
تاریخ
2020.02.03 / 20:25
|
مولف
Axar.az
|