آنا صحیفه سیاست |
آذربایجان و ایتالییا آراسیندا علاقهلرین زنگین تاریخی واردیر.
آخار. آذ خبر وئریر کی، بونو فورالین ۲۰-ده روماداکی کویرینالئ ساراییندا آذربایجان رسپوبلیکاسینین پرزیدنتی ایلهام علیئو دئییب.
«ان آزی ۳۰ مین ایلدهن آرتیق یاشی اولان پئتروقلیفلرین یئرلشدیی و اونئسکو-نون اومومدونیا ارث سیاهیسینا داخیل اولونموش قوبوستان دؤولت تاریخی قوروغو اراضیسیندهکی قایالار اوزرینده روما ایمپئرییاسی لئگیونلارینین بیزیم ائرادان اول ۱-جی عصره عایید لاتینجا یازیلاری واردیر. بو یازیلار روما ایمپئرییاسی لئگیونلارینین آذربایجان اراضیسینده اولدوغونو ثبوت ائدیر. ایتالیان سییاهی مارکو پولو اؤز اثرلرینده آذربایجاندان بحث ائتمیشدیر. ۱۵-جی عصرده آذربایجان آغقویونلو دؤولتی ایله ونسییا رسپوبلیکاسی آراسیندا سیاسی، دیپلماتیک علاقهلر قورولموشدور. ۱۴۶۹-۱۴۷۸-جی ایللرده ونئسییا رسپوبلیکاسینین آذربایجاندا سفیرلیگی فعالیت گؤسترمیشدیر. همین دؤورده آذربایجان ایله نئاپول کراللیغی آراسیندا تماسلار مؤوجود اولموشدور. موسلمان عالمینده ایلک پارلامنت رسپوبلیکاسی اولان، ۱۹۱۸-۱۹۲۰-جی ایللرده مؤوجود اولموش آذربایجان خالق جمهوریتی دؤورونده ده آذربایجان و ایتالییا آراسیندا دیپلوماتیک موناسیبتلر یارادیلمیشدیر. ایتالییانین باکیدا دیپلوماتیک تمثیلچیلیگی فعالیت گؤسترمیشدیر. ۱۹۷۲-جی ایلده آذربایجانین پایتاختی باکی و ایتالییانین نئاپول شهرلری قارداشلاشمیش اعلان ائدیلمیشلر. حاضردا آذربایجان و ایتالییا آراسیندا امکداشلیق بوتون ساحهلرده اوغورلا اینکیشاف ائدیر»، - ایلهام علیئو بیلدیریب.
پرزیدنت سفر چرچیوهسینده ۲۰-دن چوخ سندین ایمضالانماسینین نظرده توتولدوغونو بیلدیریب:
«اونلارین سیراسیندا آذربایجان و ایتالییا آراسیندا "چوخؤلچولو ایستراتژی ترفداشلیغین گوجلندیریلمهسینه دایر بیرگه بیاننامه"نی خصوصی اولاراق قید ائتمک ایستردیم. بو سند مناسیبتلریمیزی داها یوکسک سوییهیه قالدیراجاقدیر. «چوخؤلچولو ایستراتژی طرفداشلیغین گوجلندیریلمهسینه دایر بیرگه بیاننامه»ده آذربایجان و ایتالییا بیر-بیریلرینین مستقیللیگی، سوورنلیگی، اراضی بوتؤولویو و بین الخالق سوییهده تانینمیش سرحدلرینه دستیی بیر داها تصدیقلییرلر. سندده، همچینین ارمنیستان-آذربایجان داغلیق قاراباغ مناقیشهسینین بو پرینسیپلر اساسیندا حلی ایله علاقدار بیرمعنالی مؤقع عکس اولونوب. بو پرینسیپلر ب ام ت تهلوکهسیزلیک شوراسینین ارمنیستان-آذربایجان داغلیق قاراباغ مناقیشهسی ایله باغلی قبول ائتدیی و تجاووزکار ارمنیستانین قوشونلارینین آذربایجانین بوتون ایشغال اولونموش تورپاقلاریندان چیخاریلماسینی طلب ائدن قطعنامهلری ایله اوزلاشیر. اوزون ایللردیر کی، ارمنیستان آذربایجان اراضیلرینی ایشغال ائتمیش، ائتنیک تمیزلهمه آپارمیش، بیر میلیوندان آرتیق سویداشیمیز قاچقین و مجبوری کؤچکون وضعیتینه دوشموشدور. مناقیشه بین الخالق حقوقون نورما و پرینسیپلرینه اویغون اولاراق آذربایجانین اراضی بوتؤولویو چرچیوهسینده حل اولونمالیدیر».
تاریخ
2020.02.21 / 12:49
|
مولف
Axar.az
|