آنا صحیفه سیاست |
۱۹۹۲-جی ایل فئورالین ۲۵-دن ۲۶-نا کئچهن گئجه ارمنی تجاووزکارلاری آذربایجانین خوجالی شهرینده بشریت تاریخینده ان قانلی فاجعهلرله بیر سیرادا دوران سویقیریمی تؤرتدیلر. بو فاجعهدن ۲۸ ایل کئچیر. همین کوتلوی قیرغین نتیجهسینده ۱۰۶-سی قادین، ۶۳-او اوشاق، ۷۰-ی قوجا اولماقلا ۶۱۳ نفر آمانسیزلیقلا قتله یئتیریلدی، ۴۸۷ نفر شیکست اولدو، ۱۲۷۵ دینج ساکین گیروو گؤتورولدو، اونلاردان ۱۵۰ نفرین تالعی هله ده معلوم دئییل. بو سویقیریمی آکتی نتیجهسینده ۸ عائله تمامیله محو ائدیلدی، ۲۵ اوشاق هر ایکی والیدئینینی ایتیردی. هر ایل دونیا آذربایجانلیلاری و عدالتی اوجا توتانلار خوجالی سویقیریمی قوربانلارینین خاطرهسینی یاد ائدیرلر.
آذربایجان پایتختینین مینلرله ساکینی خوجالی سویقیریمینین ۲۸-جی ایلدؤنومو ایله علاقدار آنیم مراسیمینده ایشتیراک ائتمک اوچون فورالین ۲۶-دا سحر تئزدن ختایی رایونوندا فاجعه قوربانلارینین خاطرهسینه اوجالدیلمیش عابیدهنین اؤنونه توپلاشیب.
Axar.az خبر وئریر کی، آذربایجان رسپوبلیکاسینین پرزیدنتی ایلهام علیئو و بیرینجی خانیم مهریبان علیئوا آنیم مراسیمینده ایشتیراک ائدیبلر.
عابیدهنین یانیندا فخری قارووول دستهسی دوزولوب.
پرزیدنت ایلهام علیئو عابیدنین اؤنونه اکلیل قویوب، سویقیریمی قوربانلارینین خاطرهسینه احتیرامینی بیلدیریب.
بیرینجی خانیم مهریبان علیئوا، دؤولت و حکومت نمایندهلری عابیدهنین اؤنونه گول دستهلری قویوبلار.
تاریخ
2020.02.26 / 11:14
|
مولف
Axar.az
|