بیرمعنالی شکیل‌ده دئییرم کی، روسییا و ایران بیزیم داخیلی ایشلریمیزه قاریشمایاجاقلار. من ۲۰۱۹-جو ایلین یایین‌دا بو اؤلکه‌لرین یوکسک وظیفه‌لی مامورلارییلا گؤروشموشه‌م. بیزیم حربی، سیاسی و اقتصادی باخیم‌دان شیفاهی راضیلاشمالاریمیز وار و امینم کی، من «پرزیدنت» سئچیلسم، بیز اونلاری حیاتا کئچیره بیلجییک.

Axar.az خبر وئریر کی، بونو «ت ر ت. آم»آ مصاحیبه‌سین‌ده قوندارما رژیمین تهلوکه‌سیزلیک شوراسینین اکس-رهبری، «پرزیدنت‌لییه نامیزد» ویتالی بالاسانیان دئییب.

جبهه خطین‌ده سون گونلر باش وئره‌ن گرگینلیکدن دانیشان بالاسانیان گویا بونون آذربایجان طرفین‌دن گئرچکلشدیریلدیینی بیلدیریب. بونونلا بئله بالاسانیان جبهه‌ده یارانان گرگینلیین ارمنیستان حاکمیتینین یانلیش سیاستینین نتیجه‌سی اولدوغونو سؤیله‌ییب:

«پاشینیان بیر زامانلار دئییردی کی، او، قاراباغی دانیشیقلار ماساسینا قایتارماق اوچون مومکون اولان هر شئیی ائد‌جک، داها سونرا دوشنبه‌ده «لیفت دیپلماتییاسی» باش توتدو، بونو قاراباغین آذربایجان‌لی ایجماسین‌دان صحبتین گئتدیی براتیسلاواداکی بیانات ایزله‌دی، داها سونرا خاریجی ایشلر ناظیری «قاراباغ نماینده‌سی» تئرمینینی ایشلتدی، بون‌دان سونرا ایسه آنا ناقدالیان «قاراباغ‌دا قاراباغ خالقینین نماینده‌سینین سئچیلمه‌سی اوچون سئچکی اولاجاق» فیکرینی سؤیله‌دی. بوتون بونلار اونو گؤستریر کی، ارمنیستان چوخ تهلوکه‌لی اویونلارا – براتیسلاوا، جنوره، مونهن – چکیلیب. بیز هامیمیز صحبتین ندن گئتدیینی گؤرموشوک. من دئمیشم کی، صحبت بیرگه یاشاییش‌دان گئدیر. من تام شکیل‌ده آچمایاجاغام، چونکی ارمنیستان و قاراباغ «حاکمیتلری»نه بو سندلردن، خصوصیله، مونهن و جنوره‌ده مذاکیره اولونانلاردان ایمتینا ائتمه‌لری اوچون واخت وئرمیشه‌م».