دوشونوره‌م کی، عمومی‌لیکده گؤروش چوخ اوغورلو آلیندی. هازیرکی وضعیت‌ده تورک اؤلکه‌لرینین امکداش‌لیق آپارماسی چوخ واجیب‌دیر. اونو دا قید ائدیم کی، تورکدیل‌لی دؤولتلرین امکداش‌لیق شوراسی دونیانین بیر چوخ نفوذلو تشکیلاتلاری ایله مقاییسه‌ده داها چئویک و پراکتیک ایشلییر و وئریله‌ن قرارلار کاغیذ اوزرین‌ده قالمیر.

بو سؤزلری آخار. آذ-آ آچیقلاماسین‌دا پولیتولوق قابیل حسین‌لی آذربایجان پرزیدنتی، تورکدیل‌لی دؤولتلرین امکداشلیق شوراسینین صدری ایلهام علیئوین تشببوسو ایله آپرلین ۱۰-دا تورک شوراسینین ویدئوکنفرانس واسطه‌سیله فؤوق العاده زیروه گؤروشونون کئچیریلمه‌سی حاقین‌دا دانیشارکه‌ن دئییب.

حوسینلینین سؤزلرینه گؤره، تورک شوراسی دونیادا پاندمییانی دؤولت باش‌چیلاری سوییه‌سین‌ده موذاکیره ائد‌ن ایلک تشکیلات اولدو:

«تورک شوراسی دونیا میقیاسین‌دا ایلک بین الخالق تشکیلات‌دیر کی، دؤولت باشچیلاری سوییه‌سین‌ده جووید-۱۹ پاندمییاسینا حصر اولونموش زیروه گؤروشونو کئچیردی. تورکدیل‌لی دؤولتلرین امکداش‌لیق شوراسینا عضو اؤلکه‌لر تاریخی-مدنی و اتنیک باخیمدان بیر-بیرینه باغلی‌دیر. بو گون بوتون دونیا چالیشیر کی، بو بلادان قورتولسون. دوشونوره‌م، تورک اؤلکه‌لری هم قارشی‌لیق‌لی یاردیم، هم ده تجروبه موبادیله‌سی ایله پاندمییایا قارشی مباریزه‌نی گوجله‌ن‌دیره بیلر. اؤلکه باشچی‌سی هر زامان تورکدیل‌لی دؤولتلرین امکداشلیغینین واجیبلیینی وورغولاییب. تصادفی دئییل کی، پرزیدنت ایلهام علیئو چیخیشی زامانی صحییه خیدمتلری ساحه‌سین‌ده امکداشلیق، او جمله‌دن طب متخصصلرینین تجروبه مبادیله‌سی اوچون بیرگه تیببی کمیسییالارین یارادیلماسی کیمی مسئله‌لره توخوندو. اصلین‌ده، تورکدیللی دؤولتلرین امکداشلیق شوراسینا عضو اؤلکه‌لر سون ایللر جدی امکداشلیق ائدیرلر. بو گون ایسه بو امکداشلیغین طب ساحه‌سین‌ده ائدیلمه‌سی واجیبدیر. تورک اؤلکه‌لرینین بیر چوخو بو ساحه‌ده دونیا ایستاندارتلارین‌دا آراشدیرما آپارماق پوتنسیالین‌دادیر».