آمریکادا باش وئره‌ن ایغتیشاشلار دلارین مزه‌ننه‌سینه تاثیرسیز اؤتوشمه‌ییب. دلار ایلک دفعه بوتون والیوتالار قارشی‌سین‌دا دیر ایتیریب.

بو سؤزلری آخار. آذ-آ آچیقلاماسین‌دا اقتصادچی ناطیق جعفرلی سون گونلر نفت بازارین‌دا یاشانان قیمت آرتیمی و نفتین ۴۰ دلار سوییه‌سینه قالخماسینی شرح ائدرکه‌ن دئییب. او قید ائدیب کی، نفت بازارین‌دا حاضردا ماراق‌لی وضعیت یارانماق‌دادیر:

«اوزون زامان‌دان سونرا سون ایکی آیین فیوچئرسلری ۴۰ دلاری کئچدی. طبیعی کی، بونون بیر سیرا سببلری وار. بیرینجی‌سی، نؤوبتی گونلرده اوپئک و روسییا آراسین‌دا گؤروشون اولاجاغی گؤزلنیلیر. بو گؤروشون باش‌لیجا مؤوضوع‌سو طرفلرین بو آی بیته‌جک راضیلاشمانی ایلین سونونا قدر اوزاتماق یوللاری اولاجاق. خصوصیله بو مسئله‌ده سودییه اربیستانی داها ماراق‌لی‌دیر. مسئله اوندادیر کی، طرفلر مای-ایون آیلارین‌دا نفت بازارین‌دا ثابت‌لیگی تعمین ائتمک و صونعی قیمت آرتیمی یاراتماق اوچون حاصیلاتی آزالتماق یؤنون‌ده راضیلیغا گلمیش‌دیلر. بو راضیلاشمایا گؤره، حاصیلاتین مای آیی اوچون ۹.۷ میلیارد بارل آزالماسی نظرده توتولموشدو. سونراکی آیلاردا بو گؤستریجی ۷ میلیارد بارل، سنتیابردا ایسه ۶ میلیارد بارل اولاراق آزالمالی ایدی. حاضیرکی تکلیف ایسه نفت حاصیلاتینین ۹.۷ میلیارد باررئل آزالماسینین یانوارین ۱-نه قدر اوزادیلماسی‌دیر. ایکینجی سبب بیر چوخ اؤلکه‌نین کارانتین رئژیمین‌دن چیخماسی‌دیر. بو ایسه گون‌ده‌لیک نفته اولان طلباتین آرتماسینا گتیریب چیخاریر. گلن آیدان اعتباراً بیر چوخ آویاشیرکتلرین اوچوشلاری برپا ائدجیی آچیقلانیب. اوچونجوسو سبب سون گونلر آمریکادا باش وئره‌ن کوتلوی ایغتیشاشلاردیر. آمریکادا ایغتیشاشلارین باشلاماسی دلارین قیمتینه ده جدی تأثیر ائتمه‌یه باشلاییب. دلارین سون ایندئکس گؤستریجیلرین‌ده ۴ پونکت آزالما باش وئریب. اونو دا قید ائدیم کی، دلار حاضردا بوتون والیوتالار قارشی‌سین‌دا اوجوزلاشیب. دلارین اوجوزلاشماسی اؤزلویون‌ده نفته تأثیر ائدیر. یعنی اوجوز دلار همیشه نفتی باهالی ائد‌ن عامله چئویریب».

اکسپئرت دئییب کی، نفت بازارین‌دا هله ده جدی پروبلئملر قالماق‌دادیر:

«حاضردا بازاردا ساتیلان نئفتله ایستحصال اولونان نفت آراسین‌دا جدی فرق وار. یعنی بازاردا هله ده کیفایت قدر آرتیق نفت قالیب. دیگر طرف‌دن، داشینما و ساخلانما خرجلرین‌ده ده دییشیک‌لیک اولماییب. یعنی قیمتین یوکسلمه‌سی پوزیتیو عامل اولسا دا، مؤوجود پروبلملر قالیر. بونونلا بئله، نفتین قیمتینی ۴۰ دلار سوییه‌سین‌ده ساخلانیلماسی یؤنون‌ده سعیلر آرتیریلیب».