آنا صحیفه سیاست |
ارمنیستان هئچ بیر زامان سووئرئن دؤولت اولماییب. ایروانین خاریجی سیاستینی ایسه همیشه مسکوا فورمالاشدیریب. ارمنیستاندا باش وئرهن سون حادثهلری و مسکوانین تدریجا ایرواندان اوز دؤندرمهسینی نظره آلساق، بو گون آذربایجان اوچون تاریخی شانس یارانیب.
بو سؤزلری آخار. آذ-آ آچیقلاماسیندا اوکراینالی حربی اکسپرت اولئق ژدانوو دئییب. اونون سؤزلرینه گؤره، آذربایجانین قاراباغ مسئلهسینی گوج یولو ایله آسانلیقلا حل ائتمک ایمکانینا صاحب اوردوسو وار:
«باکی بیر حربی عملیاتلا ایستدیینه نایل اولا بیلر. ایندی یالنیز موسکوانین مداخیلهسی ایله باغلی سیاسی مسئلهلری حل ائتمک قالیر. ارمنیستان هاوادارلارینین کمکینه اومید ائدیرسه، قاراباغ مناقیشهسینین حلی اوچون آذربایجانا اؤز اوردوسوندان باشقا هئچ کیم لازیم دئییل».
او قید ائدیب کی، حربی طرفداشلارا و عسگرلرین تدریسی ایله باغلی تجروبه مبادیلهسینه مالیک اولان آذربایجان اؤز سلاحلی قوهلرینین دؤیوش قابیلیتینی و ان چتین وظیفهلرین یئرینه یئتیریلمهسینه حاضرلیغینی دایم آرتیریر:
«حربچیلرین اساس شعاری وار: تعلیملر ماکسیموم دؤیوش شرایطینه اویغون کئچیریلمهلیدیر. ان یاخشی تعلیملر دؤیوش عملیاتلاری احتیمال اولونان یئرلرده آپاریلیر. آذربایجان اوردوسو قازاخیستان داغلاریندا دا تعلیملر کئچیرمیی پلانلاشدیریر. بو، او دئمکدیر کی، آذربایجان اوردوسونون خصوصی تعییناتلیلاری داغلیق قاراباغ داغلاریندا ماکسیموم ثمرهلی فعالیت گؤسترمهیه و اراضیلرین آزاد ائدیلمهسی ایله باغلی قارشییا قویولموش مهم تاپشیریغی حل ائتمهیه حاضردیر».
تاریخ
2020.06.15 / 11:32
|
مولف
Axar.az
|