آنا صحیفه سیاست |
آمرکیانین بوتون موناقیشهلردن چکیلمهسی و هئچ بیر اؤلکهنین داخلی سیاستینه قاریشماماسی روسییا، چین کیمی اؤلکهلرین داها اؤن پلانا چیخماسی دئمکدیر. عینی زاماندا، بو، آبش-این موتتفیقلری اوچون ده بیر سیرا پروبلئملرین باشلاماسینا ایمکان یارادار.
بو سؤزلری آخار. آذ-آ آچیقلاماسیندا قلوبال و رئگیونال تهلوکهسیزلیک پروبلملری مرکزینین رهبری، پولیتولوق قابیل حسینلی آمریکا پرزیدنتی دونالد ترامپین اؤلکهسینین آرتیق دونیادا هئچ بیر مناقیشهنین حلی اوچون چالیشمایاجاغی بیاناتینی شرح ائدرکهن دئییب.
او بیلدیریب کی، ترامپین بو سؤزلری سیاسی آژیوتاژدان باشقا بیر شئی دئییل:
«بو گون هئچ کسه سیرر دئییل کی، آمریکادا پرزیدنت سادهجه «درین دؤولت» دئدییمیز بیر قورومون سؤزچوسودور. یعنی آبش-دا پرئزیدئنت واحد سیاسی کورس و ایستراتئگییا ایله حرکت ائدیر. هئچ بیر آمریکا پرزیدنتی واحد سیاسی کورسدان کنارا چیخا بیلمز. دقت ائتسهنیز، آبش پرئزیدئنتلری چوخ فرقلی کاراکتئره، سیاسی گؤروشه مالیک اولسا دا، آبش سیاستینده هئچ بیر دییشیکلیک اولمور. تامپین «آبش آرتیق دونیادا هئچ بیر موناقیشهنین حلی اوچون چالیشمایاجاق و هئچ بیر اؤلکهنین داخیلی سیاستینه موداخیله ائتمهیهجک" سؤزلری ایسه ۲۰۰ ایللیک آبش سیاستینه قارشی گلمکدیر. یعنی بو سؤزلری من او قدر ده جدی قبول ائتمزدیم. آبش بو گون دونیانین ۱ نؤمرهلی سوپئر-دؤولتیدیر و هئچ بیر دؤولت بو تیتولدان، بو ایستاتوسدان راحتلیقلا ایمتینا ائتمز».
حسینلینین سؤزلرینه گؤره، ترامپین بو سؤزلری آمریکانین مینسک قروپوندان دا آیریلماسی دئمکدیر:
«قاراباغ مناقیشهسی آمریکانین ایران، روسییا و یاخین شرق سیاستینده اساس مقاملاردان بیریدیر. آمریکاین مینسک قروپوندان چیخماسی ایسه فاکتیکی اولاراق روسییانین داغلی قاراباغ موناقیشهسینده تک سؤز صاحبی اولماسی دئمکدیر. دیگر طرفدن، بو گون آبش-این مینسک قروپوندا یئرینی توتماق ایستهیهن چین، تورکییه، ایران، حتی آلمانییا، ایسپانییا، ایرلاندییا کیمی قرب اؤلکهلری ده وار. بونا گؤره ده دوشونورهم کی، بو، سادهجه ترامپین همیشکی کیمی گوندهمی مشغول ائتمک اوچون ایشلتدیی اساسسیز فیکیردن باشقا بیر شئی دئییل».
تاریخ
2020.06.15 / 15:22
|
مولف
Axar.az
|