آنا صحیفه سیاست |
پولیتولوقون فیکرینجه، چیندهکی اویغورلارلا ایرانداکی آذربایجانلیلارین وضعیتینی عینیلشدیرمک اولماز...
آمریکا پرزیدنتی دونالد ترامپ اویغورلارا قارشی رپرسییالارا گؤره چینه قارشی سانکسییالارا چاغیران قانونو ایمضالاییب. چین آمریکانی جواب تدبیری گؤرمکله تهدید ائدیب. بو، ترامپین کئچمیش میللی تهلوکهسیزلیک مشاویرینین یئنی کیتابیندا ترامپین اویغورلارین کوتلوی حبسلرینی تقدیر ائتدیینی ادعا ائتمهسیندن سونرایا تصادف ائدیب.
کنگرسین یالنیز بیر «علیهینه» سسله قبول ائتدیی قانون لاییحهسی چینین مسلمان آزلیغینا تضییقلره جوابدئه اولانلارا قارشی سانکسییالار تطبیق ائتمیی نظرده توتور و بونونلا چینه اینسان حاقلارینا دایر گوجلو مئساژ گؤندرمک مقصدی داشیییر.
بامت سینجان بؤلگهسیندهکی دوشرگهلرده بیر میلیوندان چوخ مسلمانین ساخلاندیغینی تخمین ائدیر. آمریکا دؤولت دپارتامنتی چین رسمیلرینی مسلمانلارا ایشگهنجه وئرمکده، زوراکیلیق تطبیق ائتمکده، مدنیتلرینی و دینلرینی محو ائتمهیه چالیشماقدا اتهام ائدیب.
بوتون بو اتهاملاری رد ائدرک، دوشرگهلرده پئشه تعلیمی وئریلدیینی و اکسترئمیزمه قارشی مباریزهده بونا احتیاج دویدوغونو دئیهن چین قانونون ایمضالانماسینا حیددتله جواب وئرهرک، بونون سینجانداکی اینسان حاقلاری وضعیتینه بهتان آتدیغینی و چینه قارشی قصداً ائدیلهن بدنیتلی بیر هجوم اولدوغونو دئییب. «بیز آمریکا طرفینی بیر داها سهولرینی دوزلتمهیه و سینجانلا علاقدار اولان بو قانوندان چینین ماراقلارینا ضرر وئرمهیه و چینین داخیلی ایشلرینه قاریشماق اوچون ایستیفاده ائتمهیه سون قویماغا چاغیریریق. عکس تقدیرده چین قطیعتلی شکیلده عکس-تدبیرلر گؤرهجک و بونون نتیجهلرینه گؤره تکجه بیرلشمیش ایشتاتلاری مسئولیت داشییاجاق» - چین خاریجی ایشلر ناظیرلیینین بیاناتیندا بیلدیریلیب.
سؤزسوز کی، ترامپ اویغورلارین قاشینا-گؤزونه آشیق اولماییب. اونون مقصدی ازلی رقیبی اولان چینی سیخیشدیرماقدیر. بو سیاستین ترکیب حیصهسی ایسه اویغون ریچاغیدیر. اونلارین ازیلمهسی آدی ایله چینه ائدیلهن تضییقلرین مایاسیندا واشینگتنون اؤز ماراقلارینی پئکینه قبول ائتدیرمک دایانیر. اگر چین آمریکانین آرزولارینی چین ائلسه، اویغورلاری کوچهنین اورتاسیندا گولهلهسهلر بئله، ترامپین اعتراض سسینی ائشیتمیجییک.
ماراقلیدیر، آمریکانین سانکسییا تطبیق ائتدیی اؤلکهلردن بیری اولان ایراندا دا تورکلر یاشاییر. ایرانداکی آذربایجانلی فعاللار رژیمین اونلارا تضییق گؤستردیینی، آزادلیقلارینی بوخوولادیغینی، آکتیویستلری زیندانلارا دولدوردوغونو سؤیلییرلر. لاکین ایندیدک آمریکا اویغورلاردان فرقلی اولاراق، ایران تورکلرینه اولان تضییقلره گؤره رژیمه سانکسییالار تطبیق ائتمهییب.
تاریخ
2020.06.20 / 11:45
|
مولف
Axar.az
|