آنا صحیفه سیاست |
اومود شوکری تورکییهنین ایرانین طبیعی قازینا احتیاجینین آزالدیغینی ایفاده ائدیر. اونون سؤزلرینه گؤره، ایران بوندان سونرا طبیعی گاز ساتماق اوچون تورکییهنین شرطلرینی قبول ائتمهلی اولاجاق.
آخار. آذ خبر وئریر کی، انرژی اوزره یوکسک اکسپئرت همچینین کووید-۱۹ پاندمییاسینین انرژی سئکتورونا ووردوغو ایتکیلری شرح ائدیب، و تورکییهنین لیوییا سیاستینی دیرلندیریب.
تورییهنین هم روسییایا احتیاجی آزالدی، هم ده آمریکادان داها چوخ لنگ آلسا، ایرانین تورکییه ایله یئنی مقاویله ایمضالاماق اوچون شانسی آزالاجاق. تورکییه ایران داخیل اولماقلا، ایستدیی اؤلکهدن ایستدیی شرطلرده طبیعی گاز آلا بیلهجک.
«کئچهن ایکی ایلده هم طبیعی گاز ایستحصال ائدن اؤلکهلر چوخالدی، هم ده بو پاندمییادان سونرا نفتدن چوخ طبیعی گازین قیمتی ائندی. بوندان اؤنجه، ساتان اؤلکه ایستدیی شرتلرده ساتا بیلیردی، اما ایندی موشتری ایستدیی شرطلرده و ایستدیی قیمته طبیعی گاز آلا بیلیر،» شوکری سؤیلییر.
او، کووید-۱۹ پاندمییاسینین انرژی سکتورونا ووردوغو آغیر ضربهیه دقت چکهرک دئییر کی، «عمومیتله هئچ بیر اؤلکهنین اقتصادیاتی پاندمییادان ساغلام چیخا بیلمهدی. هله ده هئچ بیر اؤلکه تام اولاراق نه قدر ضرر گؤردویونو بیلمیر، بیلدیینی ده آچیقلامیر... بو ضررین نه حجمده اولدوغو بلکه ایلین سونونا قدر بیراز معلوم اولار.»
«۳ آی اؤنجه ایله مقاییسه ائتدییمیز زامان، دئیه بیلریک کی، انرژی بازاریندا بیراز ثابیتلشمه وار. اما، تام ثابیتلشمهنین تعمین اولونماسی اوچون زامان لازیمدیر. چونکی، ان چوخ انرژی ایستهلاک ائدن چین و هیندیستان کیمی اؤلکهلرین اقتصادیاتی هله اؤزونه گلمهییب کی، طلب اولسون. طلب اولماسا دا بازاردا قیمتلر دییشمیر.»
آذربایجان رئسپوبلیکاسی بو گونه قدر آز زرر گؤروب. بوندان سونراکی وضعیت ده آذربایجانین ایزلدیی سیاسته باغلیدیر.
شوکری بیلدیریب کی، «تورکییه بوندان سونرا ایران داخیل اولماقلا، ایستدیی اؤلکهدن ایستدیی شرطلرده طبیعی گاز آلا بیلهجک.»
«ایران و تورکییهنین طبیعی گاز موقاویلهسی ۲۰۲۶ ایلینده بیتیر. بو موقاویلهنین اوزادیلماسی اوچون موذاکیرهلر بو گونه قدر نتیجه وئرمهییب. تورکییه ایراندان داها چوخ ائندیریم ایستییر... کئچهن ایللرده تورکییه آمریکادان داها چوخ مایعلشدیریلمیش طبیعی گاز (لنگ) آلماغا باشلادی. کئچهن آی احتیاجینین ۳۰ فایزینی آمریکادان لنگ اولاراق آلدی. آذربایجان دا تورکییهنین ائنئرژی بازارینداکی پایینی آرتیردی،» انرژی اکسپئرتی بیلدیریر.
او، همین سببلردن دولایی تورکییهنین هم ایران، هم ده روسییانین طبیعی گازینا احتیاجینین آزالدیغینی ایفاده ائدیر:
«بونا گؤره، تورکییهنین هم روسییایا احتیاجی آزالدی، هم ده بئله گئدرسه، آمریکادان داها چوخ لنگ آلسا، ایرانین تورکییه ایله یئنی مقاویله ایمضالاماق اوچون شانسی آزالاجاق. تورکییه ایران داخیل اولماقلا، ایستدیی اؤلکهدن ایستدیی شرطلرده طبیعی قاز آلا بیلهجک. ایندی، تورکییهنی انرژی قایناقلارینی چئشیتلهندیرمه مؤوضوعسوندا دونیانین ان اوغورلو اؤلکهلریندن بیری سایا بیلریک.»
اکسپئرت مصاحیبهده همچینین پاندمییانین آذربایجان رسپوبلیکاسینین انرژی سئکتورو اوزریندهکی تأثیرینی دیرلندیریب:
«آذربایجانین نفت و طبیعی گاز قایناقلاریندا سیخینتی یوخدور. لاکین عمومیتله دونیا اقتصادیاتیندا یاواشلاما وار و انرژییه احتیاج آزالیب. بو دا بوتون اؤلکهلره تأثیر گؤسترر. آذربایجان بو گونه قدر آز ضرر گؤروب. بوندان سونراکی وضعیت ده آذربایجانین ایزلدیی سیاسته باغلیدیر. هم داخیلی سیاستینه، هم ده خاریجی سیاست و بین للخالق بازاری نئجه تعقیب ائتدیینه باغلیدیر.»
اومود شوکری سون واختلار تورکییهنین آرالیق دنیزی و لیوییادا ایزلدیی سیاستین اوغورلو اولدوغونو ایفاده ائدیر.
«هم لیوییادا اولان انرژی قایناقلاری هم شرقی آرالیق دنیزینده اولان قایناقلار دونیادا تنلیکلری دییشدیرمز. اما بؤلگهنین انرژی تهلوکسیزلیینده چوخ اؤنملی رول اوینایا بیلر... تورکییه سراج حکومتینی دستکلهیهرک یاخشی بیر سیاست ایزلهدی. کئچهن آیلاردا دا بیر مقاویله ایمضالایاراق هم شرقی آرالیق دنیزینده اؤز سرحدلرینی بللی ائده بیلدی، هم ده لیوییا ایله برابر انرژی قایناقلارینی چیخارماغا چالیشدی،» او، علاوه ائدیر.
تاریخ
2020.06.26 / 18:49
|
مولف
Axar.az
|