آذربایجان-ائرمنیستان سرحدین‌ده سلاح‌لی توققوشمالار قئیری-معین نتیجه‌لره گتیریب چیخارا بیلر، بو نتیجه‌لر بوتون جنوبی قافقاز رئگیونون‌دا عکس اولوناجاق.

آخار. آز خبر وئریر کی، آذربایجانین موسکواداکی سفیری پولاد بولبولوغ‌لو بو فیکری تاسس آگئنتلیینه موصاحیبه‌سین‌ده سؤیله‌ییب.

او دئییب: «۲۰۱۶-جی ایلده جدی حربی کسکینلشمه دؤورون‌ده اولدوغو کیمی دوننکی قبیل‌دن اولان توققوشمالار دا قئیری-معین نتیجه‌لره گتیریب چیخارا بیلر. بو قئیری-معین نتیجه‌لر بوتون جنوبی قافقاز رئگیونون‌دا عکس اولونا بیلر. دونه‌ن اینسان تلفاتی اولوب. اوچ نفر هلاک اولوب، بئش نفر یارالانیب. دینج کندلر تئز-تئز آتشه توتولور. دینج اهالی آراسین‌دا ایتکیلر وار. هان‌سی اؤلکه بونونلا باریشا بیلر؟»

سفیر قئید ائدیب کی، بو گون ۱۰ میلیون اهالی‌سی اولان آذربایجان معاصر اینفراستروکتورا، معاصر اوردویا مالیک اولان معاصر اؤلکه‌دیر. دیپلومات وورغولاییب: «حربی تئکنیکانین ان سون نایلیتلری ایله تجهیز اولوندوغوموز حال‌دا بیز بو وضعیته نه قدر دؤزجییک؟ اوتوز ایله یاخین‌دیر کی، اؤلکه‌نین اراضی‌سی ایشغال ائدیلیب و دئیردیم کی، فای‌داسیز بیتیب-توکنمز دانیشیقلار آپاریلیر، اونلار سولهیاراتما پروسئ‌سینی زرره قدر ده ایرلیلتمیر. دانیشیقلار خاطرینه نه قدر دانیشیقلار آپارماق اولار. حساب ائدیریک کی، وضعیتی ایرلیلتمک اوچون سوبستانتیو دانیشیقلار آپارماق لازیم‌دیر».

پ.بولبولوغ‌لو بیر مقاما دقتی جلب ائدیب کی، آذربایجان ایشغال اولونموش اراضیلرین آزاد اولونماسینی و داغ‌لیق قاراباغین ایستاتوسونا دایر دانیشیقلارا باشلاماغی دفعه‌لرله تکلیف ائدیب. او، سون‌دا دئییب: «اؤلکه رهبرلیگی، پرئزیدئنت ایلهام الیئو قان تؤکولمه‌سینی، اینسان تلفاتی اولماسینی، جاوانلارین اؤلمه‌سینی ایستمیر. بونا گؤره بیز وضعیتی دینج یوللا نیزاملاماغا چالیشیریق. لاکین بیزه شانس وئرمیرلر و بیزی حربی یولا تهریک ائدیرلر. حربی یول – ایفرات تدبیردیر، لاکین بو ایفرات تدبیر تدریجه‌ن یاخینلاشیر».

پولاد بولبولوغ‌لو دئییب: «آذربایجان-ائرمنیستان سرحدین‌ده وضعیت گرگین اولاراق قالیر. داغ‌لیق قاراباغ‌دا ایکی اؤلکه‌نین سلاح‌لی قوه‌لرینین تماس ختتین‌ده ده وضعیت هر آن کسکینلشه بیلر. وضعیت چوخ گرگین‌دیر. بیزیم قاراباغ‌دا تماس ختتیمیز ده وار، اورادا دا هر آن، هر دقیقه آنالوژی حرکتلر باش‌لانا بیلر».

سفیر قئید ائدیب کی، گئنیشمیقیاس‌لی حربی توققوشمانین قارشی‌سینی آلماق اوچون ائرمنیستان-آذربایجان موناقیشه‌سینین رئال حلی ایستیقامتین‌ده آددیملار آتماق لازیم‌دیر.

پ.بولبولوغ‌لو وورغولاییب: «کیمین یاخشی، کیمین پیس اولماسی باره‌ده دانیشماغا دیمز. موناقیشه وار، اونون سببلرینی تاپماق و اونو ماهیتی اوزره حل ائتمک لازیم‌دیر. بیر داها دئییرم، عکس حال‌دا گئج-تئز حرب‌چیلر ایشه قاریشاجاقلار. بو، ان آرزوئدیلمز واریانت‌دیر».

دیپلومات داها سونرا قئید ائدیب کی، آذربایجان پرئزیدئنتی ایلهام الیئو بو گون سرحدده وضعیتین کسکینلشمه‌سی ایله الاقدار تهلوکه‌سیزلیک شوراسینین ایجلاسینی کئچیریب. سفیرین سؤزلرینه گؤره، حاضردا ایکی اؤلکه‌نین خاریجی ایشلر ناظرلری آراسین‌دا دانیشیقلار آپاریلیر.