تبریز اونیورسیتتینین پروفسورو دوکتور پرغو توووز رایونون‌دا باش وئرمیش سون قارشی‌دورمادا شهید اولان دوست و قونشو آذربایجان حرب‌چیلری ایله علاقدار آذربایجان دؤولتی و خالقینا باش‌ساغلیغی وئریب.

آخار. آذ خبر وئریر کی، او، آذربایجان حکومتین‌دن کین‌لی ارمنی دوشمنینه قطیعتلی جواب وئریلمه‌سینی خواهیش ائدیب:

«عزیزلرینی و جوانلارینی ایسلاما و وطنلرینه قوربان وئرمیش آذربایجان خالقینا دستییمیزی بیلدیریر و توصیه ائدیریک کی، آییق اولسونلار، چونکی، بو حادثه‌لرین آرخاسین‌دا سهیونیستلرین گیزلی اللری گؤرونور. آذربایجان حکومتین‌دن خواهیش ائدیریک کی، شهیدلرین قانینا حساس یاناشاراق کین‌لی ارمنی دوشمه‌نینه قطیعت‌لی جواب وئرسین. ارمنی سلاح‌لی قوه‌لرینین توووز رایونون‌دا آذربایجان‌لی عسگرلره قفیل هجوملارینی و بو هجوملار نتیجه‌سین‌ده بیر نئچه حربچینین شهید اولماسینی پیسلییریک. اوجا تانری‌دان شهیدلره رحمت دیلییر و تجاووزکارلارین داغلیق قاراباغدان قووولماسی اوچون میللی بیرلیین و مقاومتین گوجله‌نمه‌سینی ایستییریک».