ارمنیستان آذربایجانلا کونفلیکتین اونون اوچون فلاکت‌لی اولماماسی اوچون روسییا اوردوسونا گوونیر، اما روسییا بئله آذربایجانین اراضی بوتؤولویونو تانیییر.

آخار. آذ خبر وئریر کی، بو سؤزلری ایسرایل اکسپئرتی سولومون مان دئییب.

«روسییانین مؤوقعیی آذربایجانین قارشی‌سینی آلیب، گوج‌لو ایستراتژی ماراقلارینین اولدوغو ارمنیستانی مدافعه ائتمک‌دیر. ارمنیستان اولمادان روسییا بوتون قفقازی ایتیرردی. اونا گؤره ده ارمنیستان کرئملین گئوسییاسی پلانلاریندا چوخ واجیب‌دیر. ارمنیلر ده باشا دوشورلر کی، اونلارین حیاتی روسییانین یوخ، روسییا بازاسینین الین‌ده‌دیر. قورباچوو و ارمنیلرین سایه‌سین‌ده اراضی‌سینین بئش‌ده بیرین‌دن محروم اولان آذربایجانین حتی حاضیرکی اقتصادی دارالمادا بئله ارمنیستان ایقتصادیاتینی اوستلییر. آذربایجان اوردوسو ارمنی اوردوسون‌دان گوج باخیمین‌دان اوستوندور. ارمنیلرین نیفرت ائتدیی روسییانین مجبوری قیلیغینا گیره‌ن ارمنیستان حاکمیتینین وضعیتی قیسقانیلاسی دئییل»، – دئیه او بیلدیریب.

اکسپئرت قاراباغ‌دا وضعیتین نئجه اولماسین‌دان آسی‌لی اولمایاراق، دونیانین آذربایجانین سرحدلرینی و ارمنیلرین قونشولارینین اراضی‌سینی ایشغال ائتمه‌سینی تانیدیغینی دئییب:

«آوروپا اؤلکه‌لرینین اکثریتی حساب ائدیر کی، قاراباغی یالنیز مهریبان‌لیقلا گئری قایتارماق لازیم‌دیر، چونکی پروبلئمین حربی حلی مؤوجود دئییل. وضعیتی آغیرلاش‌دیران آذربایجان‌لیلارین ایشغال اولونموش اراضیلردن یا قووولماسی، یا دا اؤلدورولمه‌سی‌دیر. کونفلیکت آرتیق ۳۰ ایلده‌ن چوخ‌دور داوام ائدیر و قاچقینلارین ایکینجی نس‌لی هله ده والیدئینلرینین هارادا یاشادیغینی بیلمیر. بئله شرایط‌ده اراضیلرین آوروپا نورمالارینا اویغون قاییتماسینی طلب ائتمک دوغرو دئییل. بو پروبلئ‌می نئجه حل ائتمک لازیم اولدوغونو هئچ کیم بیلمیر، آذربایجان ایسه صبرینی ایتیریر».