آنا صحیفه سیاست |
آذربایجان رسپوبلیکاسی مدافعه ناظرینین معاوینی - حربی هاوا قوهلرینین کوماندانی، گنرال رامیز طاهیروو تورکییهیه سفر ائدیب.
آخار. آذ خبر وئریر کی، رامیز تاهیروو تورکییهنین مدافعه ناظری هولوسی آکارلا گؤروشوب.
گؤروشده هولوسی آکار ارمنیستانین توووزدا تؤرتدیی تخریباتلاردان سؤز آچیب:
«بیز هر پلاتفورمادا داغلیق قاراباغین ایشغالینی قبول ائتمییمیزین مومکون اولمادیغینی سؤیلدیک و سؤیلهمهیه داوام ائدجییک. بو مؤوضوعدا آذربایجانلی قارداشلاریمیزین، ایگید اینسانلارین گؤسترجیی بوتون مباریزهده اونلارلا برابر اولدوغوموزو تورکییه پرزیدنتی باشدا اولماق، حربچیلریمیز ده ایفاده ائدیر. تورکییه خالقی دا بو حسی و دوشونجهنی پایلاشماقدادیر. بونا گؤره بوتون قلبیمیزله «ایکی دؤولت بیر میللت» اولدوغوموزا اینانیریق. جناب اردوغانین دا دئدیی کیمی، بو، حقیقتن ارمنیلرین بویونو آشان بیر جهددیر. بیز ده دئییریک کی، اونلار بو تخریباتلارینین آلتیندا قالاجاق و بونون حسابینی وئرهجکلر».
ناظر قید ائدیب کی، آذربایجانلی قارداشلاریمیزلا برابریک:
«تورکییه سلاحلی قوهلری اولاراق نه لازیمدیرسا، هر شئیی ائتمهیه حازضیریق. بوندان هئچ کیمین شوبههسی اولماسین».
تاریخ
2020.07.16 / 17:15
|
مولف
Axar.az
|