یوخاری

آذربایجانلی کومان‌دان تورکییه‌ده هولوسی آکارلا گؤروشدو

آنا صحیفه سیاست
12 Punto 14 Punto 16 Punto 18 Punto

آذربایجان رئسپوبلیکاسی مدافعه ناظیرلیینین نماینده هئیتی تورکییه‌ده سفرده‌دیر. مدافعه ناظرینین معاوینی – حربی هاوا قوه‌لرینین کومان‌دانی گنرال-لیتئنانت رامیز طاهیرووون رهبرلیک ائتدیی نماینده هئیتی تورکییه‌نین میللی مدافعه ناظری هولوسی آکار ایله گؤروشوب.

آخار. آذ خبر وئریر کی، گؤروشده عوموممیل‌لی لیدر حیدر علیئوین «بیر میللت، ایکی دؤولت» کلامینی خاطیرلادان تورکییه‌نین میللی مدافعه ناظری آکار ارمنیستان سلاح‌لی قوه‌لرینین بؤلمه‌لرینین آذربایجان-ارمنیستان دؤولت سرحدینین توووز رایونو ایستیقامتین‌ده مؤقعلریمیزی اله کئچیرمک مقصدیله حیاتا کئچیردیی عملیاتلاری قعییتله پیسله‌ییب. تورکییه‌نین میللی مدافعه ناظری آذربایجان رسپوبلیکاسینین مدافعه ناظری گنرال-پولکوونیک زاکیر حسنوو ایله تلفن دانیشیغین‌دا وضعیتی تحلیل ائتدیکلرینی بیلدیریب.

ارمنیستان سلاح‌لی بؤلمه‌لرینین توووز رایونو ایستیقامتین‌ده آذربایجانا قارشی حیاتا کئچیردیی حربی هوجومو شدتله قینادیقلارینی بیر داها ایفاده ائد‌ن ناظر دئییب کی، آذربایجان خالقینین کدری کدریمیز، سئوینجی سئوینجیمیزدیر. او، دؤیوشلرده شهید اولان قهرمان وطن اؤولادلارینا الله‌دان رحمت، یارالیلارا شفا دیله‌ییب.

تورکییه‌لی ناظر بیلدیریب: «آذربایجانین معروض قالدیغی هر هان‌سی تجاووزه قارشی ایندیدک نئجه اعتراض ائتمیشیک‌سه، بون‌دان سونرا دا عینی قطیعتلی مؤقع‌دن چیخیش ائدجییک. آذربایجان‌لی قارداشلاریمیزلا دایم سیخ همراییک. بیز تورکییه جمهوریتی و تورکییه سلاح‌لی قوه‌لری اولاراق هر آن آذربایجانین یانینداییق».

صمیمی قوناقپرورلییه و قارداش‌لیق مناسیبتلرینه گؤره میننتدارلیغینی ایفاده ائد‌ن آذربایجان رسپوبلیکاسی مدافعه ناظرینین معاوینی – حربی هاوا قوه‌لرینین کومان‌دانی گنرال-لیتئنانت رامیز طاهیروو گؤستریله‌ن دسته‌یه گؤره تورکییه دؤولتینه و قارداش تورک خالقینا صمیمی میننتدارلیغینی بیلدیریب. گنرال-لیتئنانت طاهیروو دوشمن اوردوسونون آذربایجان-ارمنیستان دؤولت سرحدینین توووز رایونو ایستیقامتین‌ده اؤلکه‌میزه قارشی حیاتا کئچیردیی تخریباتلار و داوام ائد‌ن دؤیوشلر باره‌ده معلومات وئریب.

تاریخ
2020.07.16 / 21:03
مولف
Axar.az
شرح لر
دیگر خبرلر

سیمونیان: قافارووایا بونو دئدیم، راضیلاشدیق… - یئنی گؤروش

آوروپا بیرلیی شوراسینین عضولری جنوبی قافقازا سفر ائد‌جکلر

قاراباغ‌دا هانسی آددیمی آتدیقسا، قارشیمیزا... - اردوغان

حکمت حاجییئودن راسموسن پایلاشیمی: پوللار دانیشیر!

آکوپیان «شام قیمتینی» آچیقلادی: ۱ میلیون

بیز «زنگزور دهلیزی» دئمیریک، آنجاق… - زاخارووا

آذربایجان اوکراینایا سلاح گؤندریر؟ - روسیا

فرانسانین قافقازدا اصل مقصدی... - زاخارووا

آوروپا پارلامنتینین غرضلی قطعنامه‌سی ایله باغلی بیانات

روسیادان باکی و ایروانا چاغیریش

خبر خطّی
Axar.az'da reklam Bağla
Reklam
Bize yazin Bağla