شرقی آذربایجان ایالتینین قاراداغ محلینین ورزقان-خاروانا رایونلاری آراسین‌دا یئرلشه‌ن مئشه‌ده گوج‌لو یانغین باشلاییب.

Axar.az خبر وئریر کی، بو حاق‌دا یئرلی مدیا معلومات یاییب.

معلوماتا گؤره، آوان و آستامال کندلری اراضی‌سینده باشلایان یانغین گوج‌لو کولیین اسمه‌سی سببیندن داها بؤیوک اراضیلره یاییلماق‌دا داوام ائدیر.

"یانغین سؤندورنلرین سعیلرینه باخمایاراق، گوج‌لو کولک یانغینین سؤندورولمه‌سینه مانع اولور و اونون سرعتله گئنیشله‌نمه‌سینه سبب اولور"،- معلومات‌دا بیلدیریلیر.

یئرلی ساکنلرین خسارت آلیب-آلماماسی باره‌ده هله‌لیک معلومات اولمادیغی، بؤلگه اهالی‌سینین تخلیه اوچون حاضر وضعیته گتیریلدیی قید اولونوب.