آنا صحیفه توپلوم |
تحصیل ناظیرلیینین غربی آذربایجان شعبهسینین رئیسی ایبراهیم محمدی تمثیل ائتدیی ایالتده تحصیل ساحهسینده اولان چاتیشمازلیقلاردان سؤز آچیب.
آخار. آذ خبر وئریر کی، او بو بارهده تحصیل شعبهسی شوراسینین ایولون ۱۵-ده قربی آذربایجان والیلیینین سالونوندا کئچیردیی ایکینجی ایجلاسدا دانیشیب.
تحصیل شعبهسینین اساس پروبلمینین پرسونال، درس اوتاقلاری و آوادانلیقلاردان عبارت اولدوغونو دئیهن محمدی ایالتین مرکزی شهرینین ده بو وضعیتدن اذیت چکدیینی دئییب. اونون سؤزلرینه گؤره، اورمییه شهری پیرانشهر و سردشتدن سونرا درس اوتاغی چاتیشمازلیغی باخیمیندان غربی آذربایجان ایالتینده اوچونجو شهردیر.
تحصیل شعبهسینین ریسی ایالتده علاوه مینلرله درس اوتاغینا احتیاج اولدوغونو خصوصی وورغولاییب. «قارشیداکی یئنی درس ایلینده بیرینجی دفعه اولاراق معلم پروبلمی اؤز حلینی تاپاجاق. آرتیق هئچ بیر مکتب و درس اوتاغی معلمسیز قالمایاجاق. اؤتن ایل ۱۷۵۸ معلم ایالتین تحصیل شعبهسینه جلب اولونوب، بو ایل ایسه ۹۱۰ نفرین جلب اولوناجاغی گؤزلنیلیر. لاکین درس اوتاغی پروبلمی اؤز حلینی تاپماییب. ایالتین تعجیلی اولاراق ۸ مین درس اوتاغینا احتیاجی وار. دؤولت و خئیرییهچیلر بو مسئلهیه دقت یئتیرمهلیدیر.»- دئیه او بیلدیریب.
تاریخ
2019.07.16 / 15:40
|
مولف
Axar.az
|