آنا صحیفه توپلوم |
تورکییه داخیلی ایشلر ناظیرلیینین معلوماتینا گؤره، اؤتن ایلین سنتیبار آییندان تورکییهده اینوستیسییا یاتیرماق یولو ایله وطنداشلیق آلماغین آسانلاشدیریلدیغی اعلان ائدیلدیی واختدان دیگر اؤلکهلرین ۹۸۱-دک وطنداشی بو اصوللا تورکییه وطنداشلیغی آلیبلار.
آنادولو آگئنتلیگی تورکییه داخلی ایشلر ناظیرلیینه ایستینادا خبر وئریر کی، ۲۵۳ ایرانلی بو یوللا تورکییه وطنداشلیغی آلاراق آلیجیلار سیاهیسینین ایلک پیللهسینده یئر آلیبلار.
آذنیوز. تیوی بیبیسی-یه ایستینادا خبر وئریر کی، ایراندان سونرا عراق، یمن، افغانیستان و سورییا نؤوبتی سیرالاردا قرارلاشیب؛ سیاهیدا همچینین کانادا، ایتالییا، آمریکا و ایسرائیلدن ده عریضهچیلر وار.
تورک حکومتی کئچهن ایل (۲۰۱۸) بیر سیرا میقراسییا قانونلارینا دییشیکلیک ائدرک، وطنداشلاری اوچون بو اؤلکهنین وطنداشلیغینین آلینماسی قایدالارینی آسانلاشدیریب.
یئنی دییشیکلیکلره اساساً، وطنداشلیق اوچون اساس شرطلردن بیری کیمی اینوستیسییا یاتیرماق اوچون لازیم اولان وسایتین میقداری کسکین آزالیب و داها اول ۳ میلیون آمریکا دلاری اولان عریضهچیلرین بانک دئپوزیتلری ۵۰۰ مین دلارا ائندیریلیب.
یئنی دییشیکلیکلره گؤره، ثابت اینوستیسییا مبلغی ده ۲ میلیون دلاردان ۵۰۰ مین دلارادک آزالدیلیب.
عریضهچیلر همچینین بوندان اول یئنی تورکیه وطنداشلیغینی الده ائتمک اوچون ان آزی ۱ میلیون دلار مبلغینده ائو آلماق مجبوریتینده ایدیلر، لاکین یئنی قانونلارلا بو رقم ۲۵۰ مین آمریکا دلارینا قدر آزالدیلدی.
سون دییشیکلیک خاریجی ایشگؤتورهنلرین ایشچیلری ایله باغلی ایدی.
تاریخ
2019.07.16 / 16:56
|
مولف
Axar.az
|