شرقی آذربایجان والیسی محمد رضا پور محمدی مکتبلرده آنا دیلی‌نین تدریس اولونماسینی تاکیدله طلب ائدیب.

آخار. آذ خبر وئریر کی، او بو باره‌ده ایولون ۱۶-دا شرقی آذربایجان تحصیل شعبه‌سی شوراسی‌نین کئچیردیی تدبیرده دانیشیب.

محمد رضا پورمحمدی بیلدیریب کی، آنا دیلی‌نین تدریس اولونماسی بؤیوک اهمیت کسب ائدیر. بونونلا باغلی اؤلکه کونستیتوسییاسین‌دا خصوصی مادده ده وار. اونا گؤره ده حساب ائلییرم کی، ایالتین بیر چوخ مکتبین‌ده آنا دیلی تدریس اولونمالی‌دیر.

والی علاوه ائدیب کی، بیر چوخ اجتماعی پروبلمی آرادان قالدیرماق اوچون تحصیل ساحه‌سینه خصوصی دقت یئتیریلمه‌لی‌دیر.

«تبریز اونیوئرسیته‌تین‌ده تورک دیلی و ادبیاتی ایختیصاصی یارادیلیب، بونونلا باغلی بو گونه قدر هئچ بیر پوروبلم اورتایا چیخماییب. دئمک کی، مکتبلرده ده پروبلمسیز شکیل‌ده آنا دیلینی تدریس ائتمک مومکون‌دور.

یول حرکت قایدالارینا رعایت ائتمه‌مک، اوغورلوق، اینشاعات ساحه‌سین‌ده یول وئریله‌ن قانون‌سوز حرکتلر، بینا ائولرین‌ده اینسانلار آراسین‌دا لازیم اولان داورانیش قایدالارینا عمل ائتمه‌مک و س. کیمی مسئله‌لرین کؤکون‌ده تحصیل عاملی دایانیر. تحصیل مسئله‌سینه لازمی قدر اهمیت وئریلرسه، بیر چوخ اجتماعی پروبلئم اؤز حلینی تاپار.»- دئیه او وورغولاییب.