آنا صحیفه توپلوم |
شرق آذربایجان ویلایتینده اریک، قایسی، اریک قوروسو و تورشو لاواشی ایستحصالی اوزره ویلایتین مرکزی حساب ائدیلهن مرند شهرینده ۲۶۰۰ هکتار اریک باغلاریندا محصول ییغیمینا ایستارت وئریلیب.
آزنیوز. تی وی ایرنا خبر آگئنتلیینه ایستینادا خبر وئریر کی، بو بارهده مرند رایون کند تصروفاتی ایدارهسینین رئیسی منوچهر رحمانی معلومات وئریب.
«باغلاریمیزدا عمومیلیکده ۱۷-یه یاخین اریک سورتو یئتیشدیریلیر، بونلار ایچینده ان اساس سورتلار عسگرآباد، نصیری، تبرزه، اوردوباد و شاهرود سورتلاریدیر کی، تزه میوه کیمی ایستیفاده اولونماقلا یاناشی، هم ده اعمال اوچون یارارلی سورتلاردیر. مرند رایونوندا عمومیلیکده، ۳۰۰۰ هکتار اریک باغی وار کی، حال-حاضردا ۲۶۰۰ هکتار میوه وئریر. جاری ایلده یاز شاختاسی و آغاجلارین واختیندا مایالانماماسی نتیجهسینده محصولدا آزالما گؤزلنیلیر، محصولدارلیق سوییهسینین هکتاردا ۴۵۰۰ کیلو گرم اولماسی پروقنوزلاشدیریلیر. بئلهلیکله، عمومیلیکده باغلاریمیزدان ۱۲ مین تون اریین گؤتورولمهسی گؤزلنیلیر. ییغیلان محصوللارین ۲۵ فایزی تزه میوه کیمی ایستیفاده اولونور. قالان ۷۵ فایز محصول موختلیف فورمالاردا اعمال ائدیلیر. بو ساحهده عمومیتله ۴۵۰۰ شخص ایشله تعمین اولونور و عنعنوی قورو میوه حاضرلایان سئخلرله یاناشی کیچیک میقیاسلی اریک قوروسو، تورش لاواش و مئیوه شیرهسی اعمال صنایع تصروفاتلاری دا فعالیت گؤستریر. جاری ایلده دولویا قارشی ۲، شاختایا قارشی ایسه ۲ ادد آوادانلیق تعمین ائدیلیر. لاکین محصوللارین قورونماسی اوچون آزی ۱۴ عدد دولویا قارشی جیهاز لازیمدیر»، – دئیه رحمانی بیلدیریب.
تاریخ
2019.07.20 / 18:08
|
مولف
آیتاج آراز
|