ایران پارلامنتینین ۹۰-جی ماده کمیسییاسینین سؤزچوسو بیلدیریب کی، کمیسییانین آوتومبیل صنایع‌سینین وضعیتی ایله باغلی حساباتی بو سئکتوردا «بؤیوک کورروپسییا» و «آوتومبیل ایستحصال‌چیلارینین گوجلو مافییایا چئویریلدیین»دن خبر وئریر.

آخار. آذ خبر وئریر کی، بهرام پارسایی آوقوستون ۱۷-ی، شنبه گونو ایسنا-یا وئردیی مصاحیبه‌ده پئوگئوت ۲۰۶ مارکالی آوتومبیلین باقاژینین دیزاینینا «۲۵۰ میلیون دلار» خرجلندیینی، حالبوکی، بو وسایته «تمامیله یئنی بیر آوتوموبیل ایستحصال خطینی دیزاین ائتمک مومکون اولاردی»،- دئیه بیلدیریب.

او، پژو ۲۰۶ مارکالی آوتومبیلین فرانسا ایستحصالی اولدوغونو و ایران‌دا اونا یالنیز بیر باقاژ علاوه ائدیله‌رک «پژو سد»-یه چئوریلدیینی خاتیرلادیب.

پارسایینین سؤزلرینه گؤره، ایرانین ایکی بؤیوک آوتوموبیل شیرکتی «بانکلارا ۳۰ تریلیون تومه‌ن و احتیاط حیسه‌لری ایستئهسال‌چیلارینا ۲۵ تریلیون تومه‌ن بورج‌لودور و داها ۳۰ تریلیون تومه‌ن دیرین‌ده ییغیلان زررلری وار.»

او، همچینین سؤزوگئ‌دن شیرکتلرین «۲۵ میلیارد تومه‌ن دیرین‌ده اولجه‌دن آوتوموبیل ساتیشی حیاتا کئچیردیکلرینی» قئید ائدیب.