دونیا بانکی یئر کوره‌سینی تهدید ائد‌ن سو کئیفیتی بحرانی ایله باغلی حسابات یایینلاییب.

آخار. آذ خبر وئریر کی، حساباتا اساساً، ایران دا سو کئیفیتینین گئتدیکجه پیسلشدیی و بؤیوک پروبلمله اوزلشن اؤلکه‌لر سیراسین‌دا قید ائدیلیب.

دونیا بانکی بیلدیریر کی، سویون کیفیتینین پیسلشمه‌سینه باکترییالار، کانالیزاسییا سولاری، کیمیوی ماده‌لر و پلاستیک توللانتیلار سبب اولور. بو ایسه اؤز نؤوبه‌سی‌ده اینسانلارین ساغلاملیغینا بؤیوک تهدید یاراتماقلا یاناشی، اکوسیستمه ده منفی تسیرلر گؤستریر.

دونیا اؤلکه‌لری و بین الخالق تشکیلاتلاری موضونون حساس‌لیغینا خصوصی دقت گؤسترمه‌یه بونون قارشی‌سینی آلماغا چاغیران بانک علاوه قید ائدیر کی، وضعیت بئله داوام ائدرسه، بونون آغیر اقتصادی نتیجه‌لری ده قاچینیلماز اولاجاق.