آنا صحیفه توپلوم |
شرقی آذربایجان تحصیل ایدارهسی یئنی تحصیل ایلینین اولینده ویلایتین بعضی مکتبلرینده اکسپریمنتال اولاراق آذربایجان تورکجهسینین تدریس ائدیلجیینی آچیقلاییب.
آخار. آذ خبر وئریر کی، "بو ایلین سنتیابر آییندا مکتبلرین آچیلیشی ایله بیرلیکده شرقی آذربایجانین بعضی مکتبلرینده تورک دیلی تدریسی باشلایاجاق و طلبهلر هفتهده ایکی ساعت جمعی ۶۰ ساعت تورک دیلی درسی تحصیل آلاجاقلار،" شرقی آذربایجان ویلایتینین تحصیل مودیری جعفر پاشایی بیلدیریب.
تورک دیلینده تحصیلین اکسپریمنتال تطبیقی تحصیل ناظری محمد بوتهاینین وئردیی سرهنجاما اساسلانیر. تحصیل ناظرینین امرینه اساساً، آنا دیلی تحصیلی ایبتیدای مکتبین دؤردونجو و اورتا مکتبین دوققوزونجو صینیفلرینده تدریس اولوناجاق.
تعلیمین مزمونو و ساعتلاری هر ویلایتدهکی مکتبلر طرفیندن معین ائدیلهجک.
آنا دیلینده تحصیل ایران پرزیدنتی حسن روحانینین سئچکی شعارلاریندان بیری ایدی. روحانی پرزیدنتلیگی دؤورونده وئردیی شعارلارین چوخونو حیاتا کئچیره بیلمهییب.
"کمیته واختی، معلمی و تحصیل اصولونو آراشدیردیقدان سونرا حیاتا کئچیرمک اوچون بیر آی مدتینده لاییحه تصدیق اوچون تحصیل شوراسینا گؤندریلهجک،" شرقی آذربایجان ویلایتینین تحصیل مدیری دئییب.
ایولون ۱۶-دا شرقی آزرباجان ویلایتینین والیسی محمد رضا پورمحمهدی توصیه ائتمیشدی کی، «بعضی مکتبلر یئنی تحصیل ایلینین باشلاماسی ایله برابر هفتهده ان آز ایکی ساعت آنا دیلینین تدریسی، گرامماتیکا و تورکجه شعیر اوچون زامان آییرسینلار.»
هابئله بو ایلین ایون آییندا پرزیدنتین ائتنیک و دینی آزلیقلار اوزره خصوصی کؤمکچیسی علی یونوسی حکومتین کورد و تورک دیللرینده معین ایالتلرین مکتبلرینده تدریس ائدیلمهسینه گؤستریش وئردیینی دئمیشدی.
۲۰۱۵-جی ایلده ایلک دفعه اولاراق محدود شکیلده کورد دیلی تدریسینه ایران کوردوستانین بعضی مکتبلرینده باشلانیلیب.
ایران پرزیدنت حسن روحانی سئچکی کامپانییاسی دؤنهمینده آنا دیلینده تحصیل حقوقونو تانییاجاغینی ود ائتمیشدی.
ایرانداکی اینسان حاقلاری فعاللاری و آزلیقلار آنا دیلی تحصیلینین ایلک آددیم اولدوغونو و ایران آزلیقلارینین دا آنا دیلینده تحصیل آلماق حاقینا صاحب اولدوقلارینی سؤیلییرلر.
تاریخ
2019.08.24 / 10:17
|
مولف
Axar.az
|