همدان‌دا باش وئره‌ن ۲ یول-نقلیات حادثه‌سی زامانی ۳ نفر حیاتینی ایتیریب.

بو باره‌ده همدان یول پلیسینین ریسی، پالکوونیک رضا عزیزی معلومات وئریب. معلوماتا گؤره، قزا آوقوستون ۲۴-او گئجه ساعتلارین‌دا تهران-همدان یولون‌دا باش وئریب.

قزا تهران-همدان یولونون ۲۷ کیلومترلیین‌ده «پژو» مارکالی آوتومبیلین آرخادان ساغ طرفی ایله یوک ماشینینا چیرپیلماسی نتیجه‌سین‌ده میدانا گلیب. نتیجه‌ده «پژو» ماشینینین سرنیشینی اولان ۱ آنا و ۴ یاش‌لی اوشاغی حیاتینی ایتیریب، سوروجو ایسه هئچ بیر خسارت آلماییب. قزانین باش وئرمه‌سینی یوکسک سرعت حدی و قارشییا دقت‌سیزلیک ائلام ائدیلیب.

دیگر حادثه ایسه همدانین سونقور یولون‌دا «پراید» مارکالی آوتوبیلین ۲۰۰ مترلیک دره‌یه آشماسی نتیجه‌سین‌ده باش وئریب. آوتومبیلین سوروجوسو کمربندین باغلاسا دا، آردیجیل پاللاما نتیجه‌سین‌ده جانینی ایتیریب.

حادثه‌یه سوروجونون یوخوسوزلوغو و یوکسک سرعت حدینین سبب اولدوغو بیلدیریلیر.

قید ائدک کی، همدان اوستانین‌دا جاری ایل عرضین‌ده ۷۱۵ یول قزاسی باش وئرمیشدیر کی، بو قزالار نتیجه‌سین‌ده ۲۶۴ نفر یارالانیب، ۱۰۵ نفر ایسه اؤلوب.