آنا صحیفه توپلوم |
جاری ایران ایلینین (۲۱ مارت ۲۰۱۹-دان باشلایاراق) ۵ آیی عرضینده (۲۱ مارت -۲۲ آوقوست) ایرانین شیمالیندا یئرلشن مازانداران ویلایتینده خزر دنیزیندن ۲،۶۶ مین تون کیلکه اوولانیب.
آخار. آذ خبر وئریر کی، بونو ایرانین مازانداران ویلایتینین بالیقچیلیق ایدارهسینین دیرکتور معاوینی قاسیم کریمزاده دئییب.
کریمزادنین سؤزلرینه گؤره، اوولانان کیلکهنین دیری ۱۱۰ میلیارد ریالدیر (تخمیناً ۲،۱۶ میلیون دلار).
کریمزاده علاوه ائدیب کی، اؤتن ایلین آنالوژی دؤورونده ۳۰ میلیارد ریال (۷۱۴ مین دوللار) دیرینده ۲،۷۲ مین تون کیلکه اوولانمیشدی.
کریمزاده اؤتن ایلله مقاییسهده کیلکه اووونون ۲% آزالدیغینی و بونون سببینین خزر دنیزینده غیری-ثابت هاوا شرایطی گونلرینین آرتماسی اولدوغونو دئییب.
«کیلکه بالیغی پودراسینین (بالیق یئمیی) قیمتینین آرتماسینا گؤره، بو ایل بو بالیغین دیری اؤتن ایلین آنالوژی دؤورو ایله مقاییسهده ۲۶۵% آرتیب»، – دئیه او قید ائدیب.
ایداره رسمیسی بیلدیریب کی، اؤتن ایلده هر کیلوقرامی ۱۱ مین ریالا (تخمیناً ۰،۲۶ دوللار) اولان بالیق یئمیی بو ایل ۴۱،۲ مین ریالا (تخمیناً ۰،۹۸ دوللار) قالخیب.
کریمزاده دئییب کی، اوولانان کیلکهلرین تخمیناً ۹۰%-ی بالیق یئمیینه چئوریلیر، قالانی ایسه اعمال اولوناراق ساتیشا چیخاریلیر.
ایداره رسمیسی ویلایتده کیلکه اووو ایله مشغول اولان ۴۴ گمینین فعالیت گؤستردیینی دئییب.
تاریخ
2019.09.12 / 09:20
|
مولف
Axar.az
|