آنا صحیفه توپلوم |
اؤزبکیستان پارلامنتی اؤلکهده توی و دیگر تدبیرلرین کئچیریلمهسی قایدالارینی تصدیقلهییب.
کولت. آذ خبر وئریر کی، بو معلوماتی «آزادلیق رادیوسو» یاییب.
یئنی قایدایا اساساً، بو جور مراسیملر یالنیز ۰۶:۰۰-دان ۲۳:۰۰-ا قدر باش توتا بیلر. بونونلا بئله، اؤزبک حکومتی تدبیرلرین بیر نئچه گون مدته اوزادیلماسینی دا قاداغان ائدیب.
محدودیتلر تکجه تدبیرلرله باغلی یوخ، همچینین قوناقلارلا باغلی تطبیق ائدیلیب. بئله کی، توی تدبیرینده ۲۰۰-دن چوخ شخص ایشتیراک ائده بیلمز، ائلجه ده ایکیلی توی تدبیرلرینده (اوغلان-قیز تویو بیرگه اولدوقدا) قوناقلارین سایینین ۲۵۰-یه یوکسهله بیلجیی قید ائدیلیب. ائلجه ده توی کاروانیندا ۳ یونگول آوتوموبیلدن چوخ مینیک واسطهسینین ایستیفادهسی قاداغان اولونوب. توی صاحبلری اؤز تدبیرلرینه همچینین ۲ مغننی و موسیقی قروپوندان چوخ ایفاچی دعوت ائتمهسی ده قاداغالار سیاهیسیندا یئر آلیب.
تاریخ
2019.09.21 / 11:14
|
مولف
Axar.az
|