Axar.az
یوخاری
19 اوکتیابر 2019


زنجان‌دا طلبه‌لر اونیورسیتت یاتاقخاناسینین شرایطین‌دن ناراضی‌دیر

آنا صحیفه توپلوم
12 Punto 14 Punto 16 Punto 18 Punto

زنجان اونیورسیتتین‌ده حکم سوره‌ن غیری-ایستاندارت و آنتی-سانیتار وضعیته طلبه‌لر اعتراض ائدیرلر.

آخار. آذ-این معلوماتینا گؤره اونلار بیل‌دیریرلر کی، یاتانخانادا مؤوجود اولان آنتی-سانیتار وضعیت، کؤهنه و سیرادان چیخمیش تجهیزاتلار، ناتمیزلیک و زیبیللرین واختین‌دا آتیلماماسین‌دان یارانان کسکین قوخو بورانی یاشانماز حالا گتیریب.

طلبه‌لر همچینین قید ائدیرلر کی، یاتاقخانادا ۱۰۰ نفر اوچون ۳ حمام وار و اونلارین دا دوشلاری ایشلمیر.

زنجان اونیورسیتتینین یاتاقخانالارین‌دا جدی چاتیشمازلیقلاردان بیری ده یئر آزلیغی‌دیر. بونا گؤره ده، ۴ نفرلیک اوتاقلار ۶ نفرلیک ائدیلیب، حتی بعضی مرتبه‌لرده نماز اوتاقلاری دا طلبه‌لرین قالماسی اوچون یاشاییش اوتاقلارینا چئوریلیب. بو ایسه هئچ بیر ایستاندارتلارا اویغون اولماماقلا یاناشی، طلبه‌لرین راحت یاشاماسی و تحصیل آلماسینا جدی انگل تؤره‌دیر.

طلبه‌لر همچینین بیل‌دیریرلر کی، آیاق یوللاری و هاماملاردا سو و ایشیق تجهیزاتلاری یاریتماز حال‌دادیر.

طلبه‌لرین یاتاقخانایا گؤره هر ایل اونیورسیتته بؤیوک مبلغ‌ده پول اؤد‌مه‌سینه باخمایاراق، بعضی اوتاقلاردا سویودوجو و کمد کیمی باشلیجا ضروری تجهیزاتلار بئله یوخدور.

تاریخ
2019.10.12 / 20:23
مولف
Axar.az
شرح لر
دیگر خبرلر

ایران‌دا تحصیل‌لی ایشسیز قادینلار ایشسیز کیشیلره نیسبت‌ده ۳-۴ دفعه چوخ‌دور

جبهه‌ده سون دوروم

مشهور تورک ایدمان‌چی آذربایجانی بئله تبریک ائتدی - فوتو

هادی باهادوری ترورو دستکله‌یه‌ن کورد میللت وکیللرینی تنقید ائتدی

اینگیلیس دیلینین تحصیل پروگرامین‌دان چیخاریلماسی تکلیفی دوز دئییل- زولقدیر

«آذربایجان» تویتترده ایکینجی اولدو – فوتو

گونئی مکتبلیلری "تراختور"او بئله دستکلدی- ویدئو

سولدوزدا ایلده ۷۰ تون معدن داشلاری ایستحصال ائدیلیر

ایسوئچ تهلوکه‌سیزلیک پلیسی ایرانا جاسوسلوق ائد‌ن شخصی حبس ائتدی

ایران‌دا ایستحصال ائدیلمیش پامیدورون ۹۰ فایزی فرمرلرین الین‌ده قالیب

خبر خطّی
 
Axar.az'da reklam Bağla
Reklam
Bize yazin Bağla