آنا صحیفه توپلوم |
اؤتن گون اورومییه ساکینی میللی-مدنی فعال عطا کریمی اوکتیابرین ۱۴-ده یازیلی بیلدیریش آلاراق اورومییهنین اینقیلاب و عمومی محکمهسینین ۶ سایلی شعبهسینه ایزاحات وئرمک و ایستینتاق اوچون چاغیریلیب.
«ایراندا اینسان حقوقلاری» سایتینین معلوماتینا گؤره، اورومییه شهر اینقیلاب و عمومی محکمهسینین ۶ سایلی شعبهسینین بیلدیریشینه اساساً، عطا کریمی بیلدیریشین وئریلدیی تاریخدن ۱۰ ایش گونو عرضینده محکمهیه گلمهلی، عکس حالدا اونون ایشتیراکی اولمادان قرار قبول ائدیلهجک.
«ایراندا اینسان حقوقلاری» سایتینا آچیقلاما وئرن معلوماتلی منبع بو بارهده بیلدیریب: چاغیریلان شخصین محکمه اورگانینا چاغریلماسینین سببی بیلدیریشده قید ائدیلمهلی اولدوغو حالدا، چاغیریش ورقهسینده ایرلی سورولهن اتهاملار و محکمهیه چاغیریلماسی سببی گؤستریلمهییب.
قید ائدک کی، ۱ اویون ۲۰۱۹ تاریخده سؤزوگئدن شعبه عطا کریمینی داها بیر میللی-مدنی فعال اولان علی عزیزی ایله بیرلیکده ۲ ایون ۲۰۰۹-جو ایل بازار گونو ساعت ۱۰:۰۰-دا اتهاملارا باخیلماسی اوچون چاغیریب، سؤزوگئدن میللی-مدنی فعال ایسه ایستینتاقدا ایشتیراک ائتمهییب.
تاریخ
2019.10.15 / 13:46
|
مولف
Axar.az
|