ایران پارلامنتینین کند تصروفاتی کمیسییاسینین عضوو: اؤلکه‌نین غربین‌ده‌کی فرمرلر پامیدور محصوللارینی ییغماییب و قیمتلرین آشاغی اولماسی فرمرلرین گلن ایل پامیدور کیمی محصول یئتیشدیرمه‌یه ماراغینین آزالماسینا سبب اولوب.

او دئییب: «۱ کیلوگرام پامیدورون مایا دیری ان آزی ۱۵۰۰ تومن‌دیر و فرمرلر اکین ساحه‌لرین‌ده اساساً عائله‌لیکله ایشلدیکلری اوچون قیمت حسابلاندیق‌دا، پومیدور یئتیشدیرمه‌نین اقتصادی ثمره‌لی‌لیگی یوخ‌دور».

میللت وکیلی علاوه ائدیب: «کند کووپئراتیوی کمیته‌سینین ایمکانلارینی نظره آلاراق داها چوخ کند تصروفاتی محصوللاری آلماق مومکون‌دور، آلینان پامیدورون توناژی دستک و راضیلاشدیریلمیش شکیل‌ده ایستحصال اولونموش محصولون ۱۰%-نی تشکیل ائدیر، قالانی ایسه فرمرلرین الین‌ده قالیب».