ایران پارلامئنتینین صنایع و معدنلر کومیسسییاسینین ریاست هئیتینین عضوو جواد حسینی کیا اوکتیابرین ۲۰-ده ژورنالیستلره آچیقلاماسین‌دا اؤلکه‌ده آوتوموبیل حیسه‌لری ایدخالاتیندا اولان مافییادان و بو سئکتورون بیر نئچه شخصین انحصاریندا اولماسین‌دان دانیشیب.

آخار. آذ-این معلوماتینا گؤره او دئییب کی، اؤلکه‌نین آوتوموبیل بازاریندا قیمتلرین کسکین آرتماسینین سببی، بو سئکتورون بیرباشا موختلیف مافییا و باندالار طرفیندن ایداره اولونماسی ایله علاقه داردیر: «اؤلکه‌ده حاضردا آوتوموبیل حیسه‌لرینین ایدخالی ۵-۶ نفرین انحصاریندادیر. آوتوموبیل حیسه‌لرینین بازاردا تاپیلماماسی دا محض بونونلا باغلی‌دیر. انحصار ایسه فسادا و قانونسوزلوغا سبب اولور.

اصلینده ایسه بعضی قدرت مافییالاری بو ساحه‌ده اولان بوتون ایدخالاتی اؤز اللرینه آلیبلار. اونلار، واختاشیری اؤلکه‌یه گتیریله‌ن آوتوموبیل حیسه‌لرینی بازارا چیخارماقدان ایمتیناع ائدرلر. مقصد ایسه قیمتلری ایستدیکلری قدر قالدیرماق‌دیر. آوتوموبیلین تخمیناً ۱۲۰۰ حیسه‌دن تشکیل ائدیلدیینی نظر آلاراق، دئمک اولار کی، اونون ۴۷۱ حیسه‌سی اؤلکه‌یه ایدخال ائدیله‌ن حیسه‌لردیر» –دئیه، ایران پارلامنتینین صنایع و معدنلر کومیسسییاسینین ریاست هئیتینین عضوو جواد حسینی کیا علاوه ائدیب.

میلت وکیلی، آوتوموبیل حیسه‌لرینین ایدخالینی اؤز انحصارینا آلان شخصلرین آدلارینی چکمک‌دن ایمتیناع ائدیب.