Axar.az
یوخاری
11 دکابر 2019


۲۱ آذری خاطیرلاداراق بیزی قتلعاملا تهدید ائدیرلر- فرزاد صمدلی

آنا صحیفه توپلوم
12 Punto 14 Punto 16 Punto 18 Punto

سون هفته‌لرده بعضی ایران‌لی موخالیف قروپلار تبریز ایستادیونون‌دا «بؤلوجو شعارلارین سسلندیریلمه‌سی و اجنبی اؤلکه‌لره دستک وئریلمه‌سینه» اعتراض ائد‌رک، ایرانین تهلوکه‌سیزلیک قوه‌لرینین بو باره‌ده یئترینجه سرت اؤلچولر گؤتورمدیینی ایر‌لی سورورلر.

نویابرین ۱-ده تبریز ایستادیونون‌دا تراکتور و ایستیقلال کومان‌دالاری آراسین‌دا کئچیریله‌ن ماتچ زامانی تورک آزارکئشلر سسلندیردیکلری شعارلار و ‘عسگر سلامی’ ایله تورکییه اوردوسونا دستک بیلدیریبلر. ایستادیون‌دا همچینین تورکییه و آذربایجان بای‌راقلاری قالدیریلیب.

آلمانییانین 'ترانسفئر مارکت' سایتینا گؤره، بو ماتچ ۱۰۰ مین ایزلییجی ایله همین هفته دونیانین ایستادیونا ان چوخ آزارکئش چکه‌ن مات‌چی اولوب. تبریز ایستادیونون‌دا باش وئره‌نلر تورکییه مئدیاسین‌دا گئنیش یئر آلیب.

فرزاد صمدلی همین گون ایستادیون‌دا باش وئره‌نلری «کئچه‌ن یوز ایلده گؤروممیش بیر اولای» کیمی دیرلندیریر:

«بو، هئچ زامان گؤرونممیش‌دی. بیر ایستادیون‌دا، او دا ساده‌جه ایچری گیره بیله‌نلر، یعنی ۱۰۰ مین اینسان قالخسین و ‘تورک تورک’ سسله‌سین، آنا دیلینین بوتون ایران‌دا تدریسینی ایسته‌سین، تورک عسگرینه سلام گؤندرسین و حتی اؤز تالعینین اؤز الین‌ده اولماسینی ایسته‌سین.»

اونون سؤزلرینه گؤره، «سون ۱۰۰ ایلده کی، ایران‌دا یئنی دؤولت-میللت مدرن حالینی تاپیب و یئنی کیم‌لیک معینلشمیش، تورک سئوگیسی، تورک گوجو و تورک اویانیشی بو سوییه‌یه چاتمامیشدی... پیشوری زامانین‌دا کی، آذربایجان میللی حکومتی قورولدو و بیر ایل داوام ائتدی، حتی او دؤورو ده بونونلا مقاییسه ائتمک اولماز.»

ایران رسمیلری همین اولایلاردان سونرا ۷ آزارکئشین ساخلانیلدیغینی بیلدیریبلر. حقوق مدافعه‌چیلری توتولانلارین سایینین بو رقم‌دن آرتیق اولا بیلجیینی بیلدیریبلر، اما اونلارین کیم‌لیگی ایله باغلی معلومات یاییلماییب.

اؤلکه داخی‌لی و خاریجین‌ده فعالیت گؤستره‌ن بیر چوخ ایران‌لی فعال و سیاسی قروپ بو حبسلرین یئترلی اولمادیغینی دوشونورلر. اونلار «بؤلوجولر و اجنبیلره دستک وئره‌نلره» قارشی داها سرت اؤلچولرین گؤتورولمه‌سینی طلب ائدیرلر.

سوسیال مئدیا و فارسدیل‌لی تلویزییالاردا چیخیش ائد‌ن بعضی ایران‌لی سیاسی فعاللار دئییرلر کی، «بؤلوجولره ۲۱ آذر (۱۱ دکابر ۱۹۴۶) اولایلارینی خاطیرلاتماق لازیم‌دیر.»

فرزاد صمدلی حساب ائدیر کی، «بو سؤزلر قتلعاما تهدید آنلامینا گلیر.»

«بونلار ایستییر کی، مرکزی حاکمیت آیاغا قالخمیش تورکلری اورتادان قال‌دیرماق اوچون حرکته کئچسین. دؤولتی تشویق و تحریک ائدیرلر. دئییرلر کی، ایسلام رسپوبلیکاسی هارادا؟ نیه بونلاری توتمور؟.. دئییرلر کی، ۱۹۴۵-ده قورولان میللی حکومته قارشی نئجه بیر قتلعام تطبیق ائتدیک، ایندی ده بونو حیاتا کئچیره بیلریک. بونلار باشقالارینا قارشی دا بئله قتلعاملار ائدیبلر. قاشقای تورکلرینه قارشی، لورلار، کوردلر و عربلره قارشی. یئنه ده بونا دوغرو گئده بیلرلر،» ژورنالیست بیان ائدیر.

بیز بین الخالق حقوقا اوز چئویره‌رک بین الخالق قوروملاردان یاردیم ایسته‌یه‌رک دئییریک کی، بوراداکی دوروما باخین. صاباح بیر اولای چیخمادان اؤنجه بونلارا دقت ائدین.
او، کئچمیش‌ده اوخشار تهدیدلرین ایسلام رسپوبلیکاسی رسمیلری طرفین‌دن ده اورتایا قویولدوغونو اؤنه چکیر:

«بو سؤزلری هم داخیل، هم ده خاریج‌ده‌کی قروپلار دئدیلر. رسمیلر هله دئمه‌ییب، اما اونلار دا بیر گون دئیه بیلر. چونکی من خاطیرلاییرام کی، آیت اللاه خمینی ‘مسلمان خالق’ اولایلاریندا بو جمله‌نی دیله گتیردی کی، تبریز اگر چوخ ایر‌لی گئتسه، بیز طیاره‌لرله تبریزی بمبالایاریق.»

فرزاد صمدلی علاوه ائدیر کی، «بیز بین الخالق حقوقا اوز توتاراق بینلخالق قوروملاردان یاردیم ایسته‌یه‌رک دئییریک کی، بوراداکی دوروما باخین. صاباح بیر اولای چیخمادان اؤنجه بونلارا دقت ائدین. چونکی، آذربایجان اؤز حاقلارینی ایستییر، قارشی طرف ایسه اینکار ائدیر و اؤلومدن دانیشیر.»

تاریخ
2019.11.15 / 12:49
مولف
Axar.az
شرح لر
دیگر خبرلر

ایران‌دا آزیاش‌لی قیزلارین ائولی‌لیک حالی ۴ دفعه چوخال‌دی

ایرانین هؤرموزقان ایالتین‌ده ۹ آیا ۵۶ تون نارکوتیک مادده اله کئچیریل‌دی

جنوبی خراساناه سورگون ائدیله‌ن سیامک میرزایی‌دن یئنی شعیر – ویدئو

اردبیل اوستانینین مکتبلری ۱ هفته‌دیر تعطیل ائدیر

باکی‌دا تیجارت مرکزی یانیر: گنرال حادثه یئرین‌ده - ویدئو

تورکییه‌لیلر نیه اؤزلرینی تنها حس ائدیر؟ - ماراق‌لی آراشدیرما

سونگون میس معدنینه گونئی‌لی مهندیسین گیریشی قاداغان ائدیلدی

عثمانلی سارای مطبخینین لذیذ شیرنیاتی-«زرده»نین حاضرلانماسی

مؤولانا رومینین وفاتینین ۷۴۶-جی ایلدؤنومو مراسیملرله یاد ائدیله‌جک

شرقی آذربایجان‌دا ایش قزالارین‌دا اؤلنلرین سایی آرتدی

خبر خطّی
 
Axar.az'da reklam Bağla
Reklam
Bize yazin Bağla